دولت نظارتی آستیده بولگن هر بیرمنطقه گه قرشی طالبان قوراللی لری هجوم اویشتیرگندن سونگ، اینگ کوپ ضرر زیان محل اهالی سیگه یتکزیله‌دی.طالبان اوروش قاعده وقانون لری و انسان حق لری قدریت لریگه هیچقندای اعتنا قیلمی، اوروش ده اهالی، عیاللر، وباله لردن قلقان صفتیده فایده‌لنه‌دیلر.باشقه تماندن طالبان نینگ، اوروش جریانیده مکتب لر، مسجدلرو باشقه عامه محل لردن سنگر اوله راق فایده لنیش لری اینگ آغیر ضرر زیان نی اهالی خصوصا قشلاق لر یشوچی لری نینگ اجتماعی و کونده لیک حیاتیده یتکزگن.

طالبان سونگی آی لرده تخارولایتی مرکزی تالقان شهریگه قرشی اوچ آغیرهجوم نی ریجه لشتیریب عمل گه آشیردیلر،البته بو هجوم لر امنیتی قوتلری تمانیدن دفع ایتلدی. اما بو گروه تمانیدن بوندای حربی عملیات لرنی یولگه قویلیشی عادی اهالی گه تلفات یتکزیشی دن علاوه، اهالی گه کتته کان ضررزیان یتکزگنی هم انیق.

اهالی نینگ یشش اوی لری، طالبان تمانیدن آتیلگن آغیرقورال لراوقی اثری دن ویران ایتیلیب و عایله لرنینگ ایرکک لری طالبان تمانیدن جبرن ایش گه آلیندیلر.طالبان اوتکن ایککی اوچ آی آلدین بهارک اولسواللیگی نی اوز نظارت لری آستیده کیرتیگنده، اهالی نی جبر بیلن آغیر ایش لرنی بجریش گه مجبورایتی لر.

محلی منبع لرنی خبربیریشیچه طالبان امنیتی قوت لربیلن اوروشماقدن آلدین، برچه سنگر و موقع لرینی مردم اوستیگه قازدیریب و بو ایشگه حاضر بولمه‌یاتگان آدم لرنی جریمه تولش گه مجبور قیلگن.

بونگه قوشیمچه طالبان قوراللی لری حربی اسباب اسکونه لرینی تامیناتی اوچون کندز ولایتی دشت ارچی و تخارولایتی نینگ بهارک اولسواللیگی آره سیده ینگی بیر یول قوریشدیلر، بو یول نی برچه قوریلیش ایشی اوچون طالبان اهالی نی ایشلش گه مجبور قیلگن. حالانکه خلق ارا قانون لرگه مطابق،اوروش جریانیده عادی اهالی دن سو استفاده قلیش اوروش جنایتی حساب لندی.

تخارولایتی اطرافیده‌گی اهالی خصوصا کندزولایتی دشت ارچی تومنی بیلن چیگره داش بولگن منطقه یشوچیلری دایم اوروش جریانیده طالبان تمانیدن سواستفاده بولیب حتی بو اوروش لردن جانی تلفات و مادی خساره هم کورگنلر.

 طالبان، محل یشوچی لریدن بوندای حالت لرده سواستفاده قیلیش دن علاوه، مردم دن عشر وذکات یغیب آلگن.اوتکن بیر آی مابینیده طالبان، تالقان شهری غربیده جایلشکن مسجد لرگه باریب مردم دن عشر و ذکات لرینی یغیب بو گروه گه تسلیم قلیش لریگه بویروغ بیرگن.

طالبان قوماندان لریدن بولگن قاری عبید باشچیلیگی ده اون کیشی لیک بیرگروه تالقان شهری غربیده جایلشکن منطقه مسجدلریگه باریب محل یشوچی لرینی، هرقنچه تیزراق عشر وذکات لرینی یغیب بو گروه که تاپشیریش دن آگاهلنتیرگن.

طالبان حتی بهارک و قلبرس منطقه لریده ایکنزارلری بولگن و اوزلری تالقان شهریده یشه‌یاتگان کیشی لرگه مکتبوب یوللب بوگروه گه عشر بیریش لرینی طلب ایتکن.

ابدال منطقه سیده ایکنزاری بولگن تالقان شهری دوکاندارلریدن بیری طالبان گه عشر بیرگنی گه مجبور بولگنی نی اعتراف ایتی. او طالبان گروهی تمانیدن تعین بولگن مبلغ نی بو گروه نینگ تالقان شهریده‌گی نماینده سیگه تاپشیردیم و اوطالبان قوماندانی گه انتقال بیردی دیب ایتی.

اوز اسمی نی ایتیش دن واز کیچگن بو دوکاندار، طالبان آدم لری تالقان شهریده توغریدن توغری باریب کیلیش لریدن سوز یورتیب و مردم دن ایسته گن نرسه لرینی اله دیلر دیب تاکیدلشدی. کورینیشی دن طالبان قوراللی لری تالقان شهری یقینی ده جایلشکن وبو شهرگه قرشی هجوم اویشتیریش اوچون تیارگرلیک کورماقده.

 تخارولایتی مدنی فعالی و خبرنگار شفیق پویا، قیش موسومی طالبان نی نابود قلیش و ضعیف لشتیریش اوچون یخشی فرصت بولگنی نی اورته گه قویب اگر امنیتی قوت لر طالبان نظارتی آستیده‌گی منطقه لرده حربی عملیاتلرینی کوپیتیرسه لر بو گروه ضعیف بوله دی دیب فکر بیلدیردی. پویا جنابلریگه کوره مردم، تخارولایتی ده امنیتی قوت لربیلن همکاردیر و قیش موسومی طالبان نی نابود قلیش اوچون یخشی و قولی فرصت دیر.

بونگه قره‌مسدن تخارولایتی پولیس مقاملری هم طالبان هجوملری وقتی ده عادی اهالی گه کوپ ضرر زیان یتکزیلگنی نی تصدیق لب، طالبان هجوم اویشتیرگن پیتی ده هربار اهالی اوی لریدن سنگر اوله راق فایده لنیب و مردم دن سو و آذوقه طلب ایتیدیلردیدی.

تخارولایتی پولیس قوتلری سوزلوچی سی خلیل اسیرنشانه خبرآژانسی بیلن صحبت ده طالبان تمانیدن آتیلگن اوق لر کوپراق عادی اهالی گه صدمه یتکزگن دیدی. او، اوتکن هفته درقد تومنی گه طالبان تمانیدن آتیلگن هاوان پارتلیشی عاقبتیده نیچه عیال و باله هلاک بولیب یاره لندی دیب تاکیدلشدی.