سرپل ولایتی ده بیرقطار رضاکار عیاللر، محل یشوچی لری همکارلیگی بیلن، نقاب« ماسک» ایشلب چیقاریش کیچیک بیرکارخانه ایجاد ایتیب ایشلرینی باشله گنلر. بو کارگاه خادملری، ایشلب چیقاره یاتکان  اشیالرینی حاجتمندکیشی لرگه تیکین ترقته دیلر. بو نقاب تیکیش کارگاه نی ایجاد ایتکن عیاللر کمبغل عایله لرگه تیککن نقاب لرینی ترقتیش یانیده اهالی دن یغیب الگن یادرم دن دستکش، صابون و ضدعفونی ماده لرآلیب بو عایله لرگه ترقتماقچی لر.

 بو کارگاه مسولی پروینه عظیمی نشانه خبرآژانسی بیلن صحبت ده دیدی:« اولکه میز باشقه مملکت لردن کوره قشاق و کمبغل راق دیر، بیز رضاکار عیاللرنقاب تیکیش کارگاه نی ایجاد ایتیش ده قرار آلدیک و کرونا ویروسی خطری کوپیشی بیلن نیتی میزمردم گه خذمت کورستیش دیر». خانم عظیمی علاوه ایتی:« بیرینچی دن بو کارگاه ده ایش نی اون عیال بیلن باشله دیک و حاضرایسه رضاکارلری میز سانی عیال وایرکک ۱۵۰ کیشی بولگن». بو رضاکارلر اکثری سرپل ولایتی مدنی فعاللری دیرو نقاب تیکیش دن علاوه کمبغل عایله لرگه یادرم یغیش گه مشغول دیرلر.

 بو کارگاه اعضالریدن بیری منیره همدرد بو گروه گه قوشیلیش دن آلدین اویم ده ماسک تیکیب کمبغل کیشی لرگه تیکین ترقتردیم دیب اما حاضر بو رضاکارلر صفی گه قوشیلگندن خرسند من دیدی. او بو کارگاه ده هرکونی ایککی یوزدن اوچ یوز ماسک تیکیشی نی ایتی.

بو رضاکار گروه نقاب ایشلب چیقاریش و اونی تیکین ترقتیش نی کمبغل عایله لرگه اوندپای حالده باشلش کن لرکه کرونا ویروسی ییرلیشی بیلن ماسک و شونینگ دیک ساغلیک نی سقلش اسباب اسکونه لری و یویوچی ماده لرنرخی سرپل ده کوتاریلگن. بو کارگاه رضاکارلری گه کوره سرپل ولایتی اکثر یشوچی لری اقتصادی معمالردن قینلیب و نقاب ساتیب آلیش گه قرب لری یتمی دی، شونینگ اوچون بو گروه اعضالری سرپل ولایتی ده کرونا ویروسی گه قرشی کورش اوچون صابون، یویوچی و ضدعفونی ماده لر یغیش گه حرکت قیلگن لر.

بورضاکار گروه اعضالریدن ینه بیری عزت الله صمیم دیدی:« حاضرگه قدر اون کیشی یاردم لرینی بیزنینگ اخیتارمیزگه قویگن، بیزایسه بو یاردم لرنی مستحق عایله لرگه ترقتماقچی میز.» اونگه کوره بو یاردم لربیرمقدار دستکش، صابون و ضدعفونی ماده لردن عبارت دیر.صمیم جنابلری علاوه ایتی :«سوداگرو کمبغل لرگه یادرم قیلش گه قرب لری یته یاتکان کیشی لر، سرپل ولایتی ده ایجاد بولگن کووید۱۹ گروهی بیلن بیرگه لشیب همکارلیک قیله اله دیلر.بیزنینگ مقصدمیز سرپل مرکزی و تومن لریده گی کمبغل عایله لرگه یاردم یتکزیش دیر.»

 نشرایتلگن رقم لرگه کوره حاضرگه قدر سرپل ولایتی ده کرونا ویروسی نی یوقتیرگن بیرمثبت واقعه رویخط ده آلینگن و تورت شبهه لی نمونه هم بلخ ولایتی گه جونتیلگن.بو تورت نمونه نتیجه حاضرگه قدر معلوم ایمس.سونگی وقت لرده ایران گه ایشلش اوچون بارگن کوپلب سرپل ولایتی یشوچی لری بو مملکت دن قیتیب کیلگن و شونینگ اوچون بو کرونا ویروسی ییرلیشی خطری بو ولایت گه کوپ ایگنی ایتیماقده.