قندههارده موتر بمب پارتلشی نتیجهسیده کمیده بیر کیشی هلاک و ۲۰ کیشی جراحت آلدی
ایچکی ایشلر وزیرلیگی رسميلری نینگ ایتیشیچه، قندههار شهری یقینیده بمب یوکلنگن موتر نینگ پارتلشی کمیده بیر کیشینی اۉلدیرگن و ۲۰ کیشینی جراحتلهگن.
ایچکی ایشلر وزیرلیگی سوزچیسی اۉرینباسری حامد روشان نینگ نشانه خبرآژانسیگه ایتیشیچه، پارتلش بوگون ( سهشنبه ۱۵ سرطان) ساعت ۰۲:۰۰ اطرافیده شهری نینگ ېتتینچی ناحیهسیده صادر بۉلگن.
جناب روشان پارتلشده ملي پولیس گه تیگیش بولگن بیر بۉلینمه نشانگه آلینگنلیگینی قۉشیمچه قیلدی. اونگه کۉره، حادثه نتیجهسیده بیر پولیس خادیمی هلاک بۉلگن و کمیده ۲۰ کیشی جراحت آلگن.
هېچ بیر گروه حاضرگهقدر پارتلش اوچون جوابگرلیکنی اۉز ذمّهسیگه آلمهدی.
عینِ پیتده، ایچکی ایشلر وزیرلیگی رهبری عمومي وضعیتنی تېکشیریش اوچون قندههار ولایتیگه یۉل آلگن.