غورده ایکّی پولیس آتیب اۉلدیریلدی
غورده محلي رسميلر ولایت مرکزی فیروزکوهده نامعلوم قوراللی شخصلر تامانیدن ایکّی پولیس آتیب اۉلدیریلگنینی تصدیقلهگن.
غور پولیس قوماندانلیگی مطبوعات سوزچیسی زلمی کریمی نینگ نشانه خبرآژانسیگه گه ایتیشیچه، واقعه بوگون ( یکشنبه ۳ اسد) توشدن آلدین فیروزکوه نینگ درهقاضی حدودیده یوزبیرگن.
جناب کریمی نینگ تأکیدلشیچه، ایکّی پولیس بیر حربي خدمتگه کېتهیاتگنلریده نامعلوم قوراللی شخصلر هجوم گه توتلیب اۉلدیرگن. اونگه کۉره، جنایتچیلر پولیس عسکرلریگه قرهته اۉق اوزگنیدن کېین منطقهنی ترک اېتیشگن.
غور پولیس قوماندانلیگی سوزچیسی نینگ سۉزلریگه کۉره، حادثه عیبدارلرینی انیقلش اوچون تحقیقات ایشلری باشلنگن.
هجوم اوچون جوابگرلیکنی بیران بیر گروه اۉز ذمّهسیگه آلمهگن.
غور مملکت غربیده جایلشکن نسبتاً ناتینچ ولایتلردن بیریدیر. ولایت نینگ بیر قطار تومنلریده طالبلر کتّه موقعگه اېگه دیر.