غور ده ۱۰ مینگدن آرتیق عایله آواره بولگن
بیرلشگن ملتلر تشکیلاتی نینگ افغانستاندهگی انسانپرورلیک یاردملرنی موافقلشتیریش ادارهسي( اوچا)، افغانستان نینگ غور ولایتیده سۉنگگی زۉروانلیکلر طفیلی ۱۰،۵ مینگ عایله آوارهبولگنیدن خبربیرگن.
اوچا ادارهسی بوگون ( پنجشنبه ۱۷ سرطان) نشر ایتکن راپوریده افغانستاننینگ بو اهالیسي غور ولایتینینگ دولتیار، لعل و سر جنگل تومنلریدهگی اویلرینی ترک اېتیشگه مجبور بۉلگنلیکلری دن خبربیرگن.
اوچا دفتری افغانستان غربي ولایتلریدهگی خوفسیزلیک حالتینی خواطرلی تعریفلب، ملي اردو کوچلری و طالبان جنگچیلری اۉرتهسیدهگی قوراللی تۉقنهشوولر دوام ایتکنی سبب بو ولایت یشاوچیلرنی کوپراق آواره بولیشیگه سبب بولگن دیب یازگن.
بوواداره شونینگدېک، سۉنگگی بیر هفته ایچیده غربي ولایتلرده آواره بولگن ۳۳ مینگدن آرتیق آوارهلرگه بشری یاردم کۉرسهتیلگنی دن هم خبربیرگن.
حادثه و طبیعی آفتلرگه قرشی کورهش بۉییچه دولت وزیرلیگی نینگ معلوماتلریگه کۉره، مملکتده قوراللی تۉقنهشوولر طفیلی ایچکی آوارهلر سانی بېش میلیوندن آرتیق کیشیگه یتیب بارگنیني معلوم قیلگن.