لوگر ولايتي محلي رسميلريگه كوره بو ولايت مركزي پل اعلم شهري مركزيده جايلشكن بير اوي ده هاوان اوقي تيب پارتلگني عاقبتيده بيرعايله اعضاسي دن اينگ آز ٧ كيشي ياره لنگن.
لوگر پوليسي سوزچيسي گل حيدر نشانه خبر آژانسي بيلن صحبت ده بو واقعه اوتكن كيچه ( يك شنبه ١٢ ثور) پل اعلم شهريگه تيگيشلي بولگن گنجشك قشلاقيده يوز بيرگن ديدي.
حيدر جنابلري بو هاوان اوقي طالبان تمانيدن آتيلگني و بير اويده تيب پارتلگني ني تاكيدلشكن.
او، ياره لنگن لردن بيش كيشي سي بو عايله ني باله لري بولگني دن خبر بيرگن.
طالبان گروهي حاضرگه قدر بو باره ده بيران نرسه ايتمگن.
بوندن تورت كون آلدين لوگر ولايتي بير ييريك قانلي پارتلش گه گواه ايدي. بو پارتلش ده اينگ آز ٢٤ كيشي اوز جاني ني قولدن بيريب و ١١٥ كيشي هم ياره لندي.
افغانستان ايچكي ايشلر وزيرليگي بو قانلي هجوم مسوليتي ني طالبان بوينيگه تاقيب اما طالبان بو هجوم مسوليتي ني اوز ضمه سيگه المگن.