طالبان جنگچی لرینی کابل ولایتی شکردره تومنی قشلاق لریگه قرشی هجوم لری اونلب عایله نی آواره قیلگن.
قاچقین لروزیرلیگی بوکون ( دوشنبه ۲۷ اسد) بیرخبرنامه نشرایتیب بو عایله لردن اکثری پایتخت کابل شهری و باشقه بیر قطار اولسوال لیک لرده پناه آلگنی دن خبر بیرگن. قاچقین لروزیرلیگی حاضرگه قدر بو آواره لر سانی حقیده معلومات نشر قیلمگن. بو وزیرلیک مسووللریگه کوره کیرک لی تیکشیرولردن سونگ آواره بولگن عایله لر سانی نی رویخط ده کیریتیلیشی بیلن نشر ایتیشی دن خبر بیرگن.
شکردره، کابل ولایتی نینگ اینگ کتته تومنی بولیب بو ولایت نینگ شمالی تمانیده اورین الگن. شکردره پایتخت کابل شهریدن ۳۰ کیلومتر مسافه سی بار.
عینی حالده ملی مدافعه وزیرلیکی هم بیر خبرنامه نشر ایتیب بو تومن ده امنیت قیته تامین لنگنی نی تاکیدلشکن. مدافعه وزیرلیگی خبرنامه سیده یازیلشیچه کابل ولایتی نینگ شکردره تومنیده امنیتی و مدافعوی قوتلرتمانیدن قوشمه عملیات یولگه قویلگنی دن سونگ بو تومن نینگ برچه حدود و قشلاق لری تروریست لردن تازه لنگنی نی ایتکن.
مدافعه وزیرلیگی معلوماتیگه کوره بو عملیات ده طالبان نینگ بیش جنگچی سی اولدیریلیب وبو گروه قوماندان لریدن بیری داخل ایککی جنگچی سی هم یاره لنگن. مدافعه وزیرلیگی خبرنامه سی معلوماتیگه کوره طالبان گروهی نینگ اوچ سرگروپی ۲۲ جنگچی لری بیلن باشقه منطقه لردن بو تومنگه کیلگنی و توتقین ده آلینگنی نی هم قید ایتکن.