ارگ: تشقي ايشلر وزيرليگي افغان مهاجر لر بويچه مهم موضوعلر حقيده بحث قيليش اوچون ايران گه سفر قيلماقچي
neshananews
16 June 2020جمهورريسليك سرايي ني اعلان قيليشيجه يقين كونلرده تشقي ايشلر وزيرليگي سرپرستي بير هيات باشچيليگيده مهاجرلر بويچه بحث قيليش اوچون ايران گه سفر قيله دي.
بو موضوع ني جمهورريس غني كابينه يغينيده اورته گه قويگن.
ارگ كابينه نينگ دوشنبه كوني ده گي( ٢٦ جوزا ) يغيني راپوريني نشر ايتيب ايتكن جمهورريس غني بو ويديويي يغين ده تشقي ايشلر وزيرليگي سرپرستي بير هيات باشچيليگيده قاچقينلر حقيده بحث قيليش اوچون ايران گه سفر قيليشي دن خبر بيرگن.ارگ گه كوره جمهورريس، تشقي ايشلر وزيرليگي سرپرستي، قاچقينلر وزيرليگي اورين باسري، ملي مدافعه و ايچكي ايشلر وزيرليك لري نماينده لري نينگ ايران نينگ يزد شهريده افغان مهاجرلر نقليه واسطه سي اوت آلگني موضوع سي ني ايزلگن لريدن قدردان ليك بيلديردي.
تشقي ايشلر وزيرليگي سرپرستي ني ايران گه سفري اونداي بير احوال ده اوتكزيله دي كه ايككي مملكت چيگره سيده افغان مهاجر شكنجه بوليب دريا گه تشلنگي و يزد ولايتي ده افغان مهاجرلر موتري اوت آلگني سبب، هرات، كابل، ننگرهار و هلمند ولايت لري يشوچي لريدن يوزلب كيشي ايران نينگ سياسي نماينده ليگ لري مقابليده ناراض ليك نمايش اوتكزيب بو واقعه لر عامللري جزالنتيريليشي طلب ايتي لر.
باشقه تماندن ايران تشقي ايشلر وزيرليگي بو اعتراض لرگه نسبتا” افغانستان ني تهران ده گي ايلچي سيني بو وزيرليك گه چقيردي. افغانستان ايلچي سي ايران ليك مقاملرگه ايتكن كه افغانستان نينگ هربير وطنداشي، قانون گه مطابق تينچ يغين و نمايشلرني اوتكزيش ده حقلي دير.
