بغلان امنيتي مسوللري، بو ولايت ده بير حربي عمليات نتيجه سيده طالبان گروهي نينگ توقيز جنگچي سي هلاك و آلتي اعضاسي ياره لنگني دن خبربيرگن.

بغلان پوليسي سوزچيسي احمدجاويدبشارت بوكون ( سه شنبه ٢٧ سرطان) نشانه خبر آژانسي بيلن صحبت ده ديدي طالبان گروهي جنگچي لري بوكون پلخمري – سمنگان شاه يولي ني باغلش ده قصدقيلگندي اما امنيتي قوتلرنينگ يير و هوادن جدي مناسبتلريگه دوچ كيلدي. اونگه كوره ايككي تمان ارا يوزبيرگن توقنشوده طالبان نينگ توقيز جنگچي سي اولديريليب و آلتي كيشي سي هم جراحتلندي.

بشارت جنابلري بو توقنشوده اولديريلگن لر آره سيده طالبان گروهي نينگ پارلوچي ماده لر متخصصي متقي گه مشهور قاري جمعه گل داخل دير.

بغلان پوليسي سوزچيسي طالبان نينگ بوهجومي دفع ايتيليشي بيلن اوروش ميدانيده ٨٢ توردن بولگن بير قورال و اولديريگن چنگچي لر جسدي قالگني و شاه يول ترافيك يوزيده آچيلگني دن خبربيرگن.

باشقه تماندن طالبان سوزچيسي ذبيح الله مجاهد بو ادعاني رد ايتيب طالبان گروهي جنگچي لري بغلان – سمنگان شاه يوليده مسافرلرني تلاشي قيليش مقصديده باريب شاه يولي ني باغلش ده قصدلري يوق ايدي ديب ايتكن.

مجاهدجنابلري بو توقنشو عاقبتيده طالبان گروهي گه هيچقنداي تلفات يتكزيلمگن ديب ادعا قيلگن.

بغلان – سمنگان ساه بولي مملكت شماليده جايلشكن ناتينچ يول دير و طالبان گروهي انده سنده شاه يول حدوديده چك پاينت لر ايجاد ايتيل امنيتي قوتلر كاروان لريگه هجوم اويشتيره ديلر.