تركمنستان جمهوريتي نينگ آذوقه ياردمي بيرينچي قسمي آقينه بندري آرقلي مملكت گه كيلدي. تركمنستان كنسلي بو ياردملرني فارياب ولايتي نينگ اندخوي تومنيده بو ولايت حاكمي گه تاپشيردي.

فارياب محلي رسميلريگه كوره، بو ولايت حاكمي نقيب الله فايق افغانستان دولتي نماينده ليگي دن اوتكن كوني توشدن سونگ (شنبه ١٣ ثور) بو ياردملرني تسليم آلگن. تركمنستان كنسولي بازار كعبه يف رسانه لربيلن صحبت ده ايتكن:” تركمنستان مملكتي بو ياردملرني رمضان آيي مناسبتي ده يوبارگن، بو ياردم لر پمه دور، كرم، زرجمه، ايچيمليك نوشابه لر،بيسكويت، چاكليت و يومورتقه دن عبارت دير.”

فارياب ولايت حاكمي قوشني تركمنستان نينگ بو ياردملريني كروناويروسي ييرلگني اوجيده مهم اته گن. او ديدي افغانستان دولتي تمانيدن بو ياردملرني تسليم آليب و اوني قنداي ترقتيليشي جمهور ايككنچي اورين باسري صلاحيتي دن دير.

تركمنستان افغانستان بيلن اوزون چيگره گه ايگه. مملكت ده كرونا ويروسي ييرلگني دن بويان بو تركمنستان نينگ ايلك ياردمي افغانستان خلقي گه دير.