ملي يرشيش عالي كينگاشي، بو كينگاش ريسي عبدالله عبدالله افغانستان تينچليك آقيمي گه نسبتن منطقه مملكتلري حمايت لريني حلب ايتيش مقصديده تركيه سفر قيليشي ني اعلان ايتكن.

ملي يرشيش كينگاشي سوزچيسي فريدون خوزون بوكون ( چهارشنبه ٢٨ عقرب) توييتر صحيفه سيده يازگن بو سفر تركيه حمهور رييسي رحب طيب اردوغان دعوتيگه اساسا” اوتكزيلماقچي. خوزون جنابلري افغانستان تينچليك پروسه سيگه نسبتن منطقه مملكت لري بيردمليگي ني قوللب قوتلش بو سفرني مهم مقصدي دير ديگن.

اونگه كوره عبدالله جنابلري بو سفر جريانيده تركيه جمهور رييسي رجب طيب اردوغان،  بو مملكت تشقي ايشلر وزيري و   باشقه بير قطار مقاملر بيلن اوچرشيب ملاقات قيلماقچي.

بوندن آلدين عبدالله جنابلري افغانستان تينچليك پروسه سي بويچه منطقه مملكتلري بيردمليگي ني قوللب قوتلش مقصديده پاكستان، هندوستان و اوزبيكستان گه سفر قيلگندي. بو مملكتلر افغانستان تينچليك آقيمي دن هرتمان له مه حمايت كورستيش ني وعده قيلگنديلر.