غزنی ولایتی محلی رسمیلری، بو ولایت نینگ « ده‌یک» تومنیده یول چکه سیده جایلشتیریلگن ماین پارتلیشی عاقتبیده عادی اهالی دن اوچ کیشی هلاک بولیب و ۲ کیشی هم جراحتلنگنی دن خبر بیرگن.
غزنی ولایت حاکملیگی مطبوعات بولیمی تمانیدن نشربولگن خبرنامه ده اوتکن کونی شام ( چهارشنبه ۳۱ ثور) ده یک تومنی « شاه گل» منطقه سیده یول چکه سیده اورنتیلگن ماین پارتلشی ۳ کوچمنچی دن جان آلگنی و ۲ کیشی هم یاره لنگنی دن خبر بیرگن. باشقه تماندن غزنی شهری « قلعه شهاده» منطقه سیده بیرهاوان اوقی پارتلگنی سبب عادی اهالی دن ایککی کیشی قربان بولگن.
غزنی ولایتی خوفسیزلیگ جهتدن سونگی آی لرده یخشی وضعیت گه ایگه ایمس. جاری هفته دوشنبه کونی ده طالبان گروهی پارتلوچی ماده ده توله بولگن بیر نقلیه واسطه نی ملی امنیت اداره سی ۷۰۳ قطعه سی مقابلی ده پارتلدی. اونی نتیجه سیده ۴۰ کیشی اولدیریلیب و یاره لندی. باشقه تماندن غزنی ایریم یشوچی لری و اجتماعی ترماقلر ایزداش لری غزنی ولایتی خوفسیزلیک مسوللرینی طالبان گروهی بیلن همکارلیک قیلیش ده عیبلشکن لر.