جمهورريس ليك سرايني اعلان قيليشيچه جمهور ريس محمداشرف غني و مملكت ملي مصالحه عالي كينگاشي ريسي عبدالله عبدالله، امريكا قوشمه ايالتلري ملي خوفسيزليك كينگاشي مصلحت چي سي بيلن تلفن آرقلي صحبتلشديلر.

اوتكن كوني شام( جمعه ٢٧ سرطان) اوتكزيلگن بو صحبت ده ايككي تمان طالبان تمانيدن زوروانليكلرني كوپيشي دن خواتيربيلديريب بو زوروانليك لر دوام ايتيب باريشي اقغانستان ده دايمي صلح و تينچليك برقرارليگي ده خلل يتكزه دي ديب تاكيدلشديلر.

ارگ خبرنامه سيگه كوره، رابرت اوبراين بو تلفني علاقه ده، امريكا بير مستقل، اتفاق ، دموكرات و قيته تروريزم آشيانه سيگه ايلن مه ياتكان بير يگانه اففانستان دن حمايه ايتيشي ني تاكيدلشكن.

جمهورريس ليك سراي گه كوره بو ملاقات ده ايككي تماندن افغانستان دولتي و طالبان ارا توغري مذاكره لر هرقنچه تيزراق باشلنيشي گه تاكيدلشديلر.

باشقه تماندن سونگي كونلرده طالبان تمانيدن زوروانليك لر ميزاني كوپيب بارماقده. سونگي بار بو گروه سمنگان ولايتي ملي خوفسيزليك اداره سيگه قرشي هجوم اويشتيردي و بو هجومده ١٢ كيشي اولديرليب و كوپلب عادي اهالي داخل ٦٣ كيشي ياره لندي.بونگه قره مسدن ايككي تمان ارا محبوسلر  المشتيريليشي يكونلنيشي بيلن توغريدن توغري مذاكره در افغانستان دولتي و طالبان گروهي هياتلري ارا باشلنيشي كوتيلماقده.