جمهورريسليك سرايي، جمهورريس محمداشرف غني و ملي مصالحه عالي كينگاش ريسي عبدالله عبدالله ارا اوچرشوي بوليب اوتكني دن خبر بيرگن. ايككي تمان بو اوچرشوده تينچليك پروسه سي و بو دستورنينگ سونگي باسقيچ لري حقيده بحث قيلگن.

جمهورريس سوزچيسي صديق صديقي تويترصحيفه سيده يازگن بو اوچرشو بوكون ( چهارشنبه ٤ سرطان) بوليب اوتكن.صديقي جنابلريگه كوره غني و عبدالله جنابلري صلح پروسه سي، كيله سي باسقيچلر و افغان لر ارا توغريدن توغري مذاكره لر ريجه لري حقيده صحبتلشكني دن خبر ببريب بو حقده كوپراق ايضاح بيرمگن.

باشقه تماندن غني و عبدالله جنابلري ارا امضالنگن سياسي كيليشودن سونگ بو ايككي تمان ارا اوتكزيلگن ايلك ملاقات دير كه اوني خبري رسانه لر آرقلي نشر بولگن. شونينگ ديك افغانستان حكومتي بوكونلر افغان لر ارا مذاكره ريجه لريني چيزماقده. ليكن بو مذاكره لر تاريخي حاضرگه قدر انيقلنمگن. باشقه تماندن جمهورريسليك سراي رسمي مذاكره لردن آلدين، قطر ده طالبان گروهي بيلن بير مقدماتي يغين اوتكزيليشي دن خبربيرگندي.