غور ولايتي محلي رسميلري بو ولايت ده بير كوچلي پارتلش يوزبيرگني دن خبر بيرگن.

غور ولايت حاكمي سوزچيسي عارف عابر نشانه خبر آژانسي بيلن صحبت ده، بو پارتلش بوكون ( يكشنبه ٢٧ ميزان )ساعت١١.٣٠ دقيقه ده بو ولايت نينگ امنيه قوماندا ليگي يقيني ده يوز بيرگن ديدي. عابر جنابلري دستلب كي معلوماتلرگه كوره بو پارتلش بير موتربمب بولگني ني ايتيب معلومات لرگه كوره حاضرگه قدر قريب ايگرمه كيشي اوليب و ياره لنگني معلوم بولگن ديدي.

غور ولايت حاكمي سوزچيسي حاضرگه قدر بو حادثه تلفاتي نينگ انيق رقمي معلوم ايمس ديب امبولانس لر تحقيقات گروهي منطقه گه جونتيلگن ديدي.

عيني حالده حادثه گواه لري بو پارتلش اوته كوچلي بولگني ايتيب حتي حادثه محلي گه يقين بولكن دولتي اداره لر خصوصا امنيه قوماندان ليگي و عياللر اداره لريني تخريب قيلگن ديب ايتكن لر.

بو خبر تازه لندي.