فارياب ولايتي امنيتي قوتلريگه كوره بو ولايت نينگ قيصار تومنيده يول چكه سيده جايلشتيريلگن ماين پارتلشي نتيجه سيده بيش باله ياره لنگن.

فارياب پوليس سوزچيسي محمدكريم يورش نشانه خبر آژانسي بيلن صحبت ده بو واقعه اوتكن كوني شام ( يك شنبه ٢٥ عقرب) قيصار تومني ني جرليق قشلاقيده يوزبيرگن ديدي. يورش جنابلري باله لر يول ده اوته ياتكان پيت ده بو ماين پارتلشكن ديب ايتي.

فارياب پوليسي سوزچيسي ني معلوم قيليشيچه باره لنگن باله لر پارتلش دن سونگ ميمنه مركزي كسلخانه سيگه انتقال بيريلگني و اولردن بيري نينگ ساغليك وضعيتي يمان ايكني ني ايتي. يورش جنابلري  بو ماين طالبان تمانيدن امنيتي قوتلرني نشان گه توتيش مقصديده يول چكه سيده اورنتيلگني تاكيدلشدي. اونگه كوره فارياب ده يول چكه سيده جايلشتيريلگن ماين لر اكثر قرباني عياللر، باله لر و كيكسه لردن عبارت بولگن عادي اهالي بولگن.

طالبان گروهي حاضرگه قدر بو باره بيران نرسه ايتمگن.

اوتكن هفته هم فارياب ولايتي المار تومنيده بير موتر بمب پارتلشي سبب اونلب كيشي قربان بوليب ياره لنگندي.