فاریاب پولیسسی: طالبان دولت نینگ بیر عسکری اۉغلینی کلتکلهگن
فاریاب امنیتی مسووللری نینگ ایتیشیچه، طالبلر ۱۲ یاشلی بالهنی آتهسی خوفسیزلیک کوچلریده خدمت قیلگنی اوچون کلتکلهگن. اولرگه کۉره، باله نینگ آتهسی میمنهده و اونینگ عایلهسی شیرین تگاب تومنیده یشیدی.
حادثه فاریاب ولایتی شیرین تگاب تومنیدهگی کوهصیاد قیشلاقیده طالبان نظارتی آستیدهگی حدودیده صادر بۉلگن.
فاریاب پولیس باشلیغی روحالله خلیلاۉغلی بوگون (دوشنبه ۱۱ اسد) طالبان جنگریلری ۱۲ یاشلی بالهگه قریب ۱۰۰ شلاق اورگنینی ایتکن.
جناب خلیلاوغلی گه کوره، بوباله، آتهسی مملکت خوفسیزلیک و مدافعه کوچلریده خدمت قیلگنی اوچون طالبلر تامانیدن کلتکلنگن. فاریاب پولیس باشلیغینینگ قۉشیمچه قیلیشیچه، باله حاضرده میمنه مرکزي کسلخانهسیده دوالنماقده.
۱۲ یاشلی باله نینگ آتهسی سید شیر آغا نینگ ایتیشیچه، طالبلر بو بالهدن، آتهسی نینگ قورالینی تاپشیریشنی سۉرهگن. شیر آغانی تأکیدلشیچه، او ایلگری قوراللرینی شیرین تگاب تومنیدهگی طالبلرگه تاپشیرگن و میمنهگه کېلگن.
بیراق، طالبان سوزچیسی ذبیحالله مجاهد بو عیبلاولرنی رد اېتیب، واقعه عایلهدهگی معمالر طفیلی بۉلگنینی ایضاحلهگن. ذبیحالله مجاهد بو باله طالبان تمانیدن ایمس بلکه عمکیسی تمانیدن کلتکلهگنینی تاکیدلشکن. جناب مجاهدگه کۉره، باله نینگ عمکیسی طالبلر تامانیدن حبسگه آلینگن و تحقیقات ایشلری فاریاب ولایتی نینگ شیرین تگاب تومنیده دوام ایتماقده.