فارياب ولايتي امنيتي مسووللري، طالبان گروهي پارتلوچي ماده دن توله بولگن بير نقليه واسطه ني قيصار تومني مركزيده بارتلتكني دن خبر بيرگن.بو پارتلش ده اهالي گه تلفات يتكزيلمگن اما كوپلب مالي خساره قالديرگن. فارياب پوليسي سوزچيسي محمدكريم يورش بوكون( سه شنبه ٢٧ ميزان) نشانه خبر آژانسي بيلن صحبت ده ديدي طالبان گروهي اوتكن كيچه ساعت ١٠:٠٠ ده قيصار بازاريده بو نقليه واسطه ني پارتلتكن. يورش جنابلريگه كوره طالبان جنگچي لري امنيتي قوتلر بيلن يريم ساعتليك توقنشودن سونگ پارتلوچي ماده جايلشتيريلگ بو نقليه واسطه ني پارتلتكن.

يورش جنابلري،  طالبان جنگچي لري قيصار امنيه قوماندان ليگي كيريش ايشكي ني نشان گه توتيش ني مقصد قيلگندي. اوني تاكيد لشيشيچه بو بازارده گي قريب يوز دوكاندار بو پارتلش دن خساره كورگن.

فارياب ده گي محلي خبرنگارلر بو پارتلش مسوليتي ني طالبان نينگ منطقه ده گي محلي قوماندان لري اوز ضممه سيگه الگن ديب خبر قيلگن لر.

اوتكن هفته هم طالبان جنگچيلري پارتلوچي ماده جايلشتيريلگن بير نقليه واسطه ني المار امنيه قوماندان ليگي ايشيگي مقابليده پارتلتي لر كه اوني نتيجه سيده عادي اهالي دن اون كيشي اوزجانلريني قولدن بيريب ياره لندي و بيرقطار اويلرگه خساره يتكزيلدي.