فاریاب ده طالبان نینگ قیزیل قطعه سی ماین اورنتوچی جنگچی سی اولدیریلدی
فاریاب ولایتی امنیتی مسوللری بو ولایت ده طالبان گروهی نینگ بیرمشهور ماین اورنتوچی جنگچی سی اولدیریلگنی دن خبربیرگن. بو منبع گه کوره بو ماین اورنتوچی جنگچی « خالدار» اسمی ده مشهور بولیب و طالبان نینگ قیزیل قطعه سی نینگ تنیقلی اعضالریدن بیری ایکن.
فاریاب ولایتی امنیه قوماندانی لیگی سوزچی سی کریم یورش نشانه خبر آژانسی بیلن صحبت ده دیدی:« خالدار،عموما فاریاب ولایتی نینگ المار، قیصار، غورماچ و پشتونکوت اولسواللیک لریده ماین اورنتیش مسولیت گه ایگه ایدی و اوتکن کیچه قیصار تومنی ده امنیتی قوتلربیلن توقنشوده صفداشلریدن باشقه اوچ کیشی بیلن بیرگه اولدیریلگن.»
یورش جنابلری شونینگ دیک اوتکن کیچه یوزبیرگن بو توقنشوده اوچ پولیس هم یاره لنگنی دن خبربیردی.
طالبان نینگ بو ماین اورنتوچی مسولی اولدیریلگنی بیلن فاریاب ولایتی ده ماین پارتلش حادثه لرکمیشی کوتیلماقده. طالبان تمانیدن اوتمیش ده اورنتیلگن ماین لر پارتلیشی نتیجه سیده کوپراق عادی اهالی قربان بولگندی.