كرونا ويروسي؛ مملكت ده كمبغليك درجه سي ٧ فايز كوپيه دي
neshananews
09 July 2020افغانستان اقتصاد وزيرليگي، كرونا ويروسي ييرلگني سبب مملكت ده قشاقليك و كمبغلليك درجه سي ٧ فايز آشيشي و مملكت اقتصادي ٣ فايز كميشي دن خبر بيردي.
اقتصاد وزيرليگي تمانيدن (چهارشنبه ٢٨ سرطان )كوني نشر ايتيلگن خبرنامه ده، اقتصادوزيري مصطفي مستور ” كوويد١٩ دن سونگ افغانستان مركزيتي بيلن مركزي آسياده خصوصي سكتورني قيته تيكلش دن حمايت ايتيش” ويديويي يغين ده ايتكن: ” كوويد١٩ كسل ليگي ييرلگني گه قرگنده بيزنينگ اقتصادي ترقي ميز جاري ييلده اوتكن ييل گه قرگنده ٣ فايز كميگن و شونينگ ديك قشاقليك درجه سي ٥٤.٥ فايزدن ٦١.٥ فايزگه كوتاريله دي.”
مستورجنابلري بو انلاين يغينده علاوه ايتي دولت كرونا ويروسي ييرلگن وقت ده ساغليك ني سقلش بوليم لردن حمايت ايتيش دن علاوه خصوصي بوليم گه هم دقت اعتبار قرتكن. اونگه كوره اقتصادوزيرليگي اشبو مقصداوچون بيرقطار تيگيشلي اداره لر همكارليگي بيلن كسبه كارلر، كيچيك و اورته متشبثلردن ساليق، بلديه تكسي، آسان قرضه لر، برق و جايدادلر كرايه سي ساحه لريده حمايت ايتيش مقصديده هرتمان له مه تكليف نامه تيارلشكن.بو تكليف نامه ني تصديق لنيشي اوچون اقتصادعالي كينگاشي و كابينه گه يوبارگن.
اوتكن ييل لرده اوتكزيلكن تحقيقاتلرگه كوره اوتكن ييلي مملكت ده قشاقليك ميزاني ٥٤ فايز ايدي و شونينگ ديك اقتصاد، تعليم وتربيه ، ساغليك ني سقلش و آسايشته ليك گه قول تاپيش نيچه تمان له مه كمبغل ليك ميزاني ٥٣ فايز تخمين بولگندي.
