هراتده كرونا ويروسي ني يوقتيرگنلر ساني كون اوتيشي بيلن كوپيب بارر ايكن، بو ولايت ساغليك ني سخلش رسميلري بوولايت كسلخانه لري بير قطار خادملري ” كويد ١٩” ويروسي ني يوقتيرگني دن خبر بيگن لر.

هرات عامه ساغليك اداره سي سوزچي سي محمدرفيق شيرزي كرونا ويروسي ني يوقتيرگن ساغليك ني سخلش خادملري ساني ٤١ كيشي گه يتكن ديدي.شيرزي جنابلري بو شخصلر، شفاكارلر،پرستارلر،لابراتوارمسوللري و اداري وتخنيكي بوليملر خادم لري بولگن ديب ايتي.

عامه ساغليك اداره سي سوزچي سي كرونا ويروسي ني يوقتيرگن بو خادملر ي اويلريده قرنطينه ده سخلنيب ساغليك وضعيتلري قانعقرلي دير ديدي.

كرونا ويروسي مملكت نينگ ٢٣ ولايتي ده ييرلگن و عامه ساغليك وزيرليگي نشر ايتكن رقم گه كوره حاضرگه قدر ٤٢٣ كيشي بوتون مملكت ده بو ويروس ني يوقتيرگن. بو آره دن ٢٥٧ كيشي سي هرات يشوچي لري بولگن. هرات عامه ساغليك اداره سي مسوللري يالغيز اوتكن ٢٤ ساعت ده هرات ولايتي ده ٢٧ مثبي واقعه رويخط ده آلينگني دن خبر بيريب بولردن ٢١ كيشي ايركك و ٦ كيشي سي عياللر بولگن ديب ايتكنلر.