٥٦٤ ينگي واقعه؛ اوتكن ٢٤ ساعتده كرونا ويروسي ني يوقتيرگن ١٣ كيشي عالم دن اوتدي
neshananews
17 June 2020عامه ساغليك وزيرليگي، اوتكن ٢٤ ساعت دواميده كرونا ويروسي ني يوقتيرگن ٥٦٤ مثبت واقعه مملكت ده رويخط ده آلينگني دن خبر بيرگن. بو ينگي واقعه لر رويخط ده آلينيشي بيلن مملكت ده بو ويروس ني يوقتيرگن لر ساني ٢٦ مينگ و ٨٧٤ كيشي گه يتكن.
عامه ساغليك وزيرليگي بوكون ( چهارشنبه ٢٨ جوزا) كرونا ويروسي كونده ليك رقمي ني نشرايتيب اوتكن ٢٤ ساعت ده كرونا ويروسي ني يوقتيرگن ١٣ كيشي هم عالم اوتكني دن خبر بيردي.مملكت ده بو بيمارليك سبب اوزجانلريني قولدن بيرگن لر ساني توپلم ٥٠٤ كيشي گه يتكن.
عامه ساغليك وزيرليگي معلوماتيگه كوره اوتكن بير كيچه كوندوز ده ٦٥٠ كيشي هم ساغلگن و ساغلگنلر توپلم ساني مملكت ده ٦ مينگ و ٢٥٨ نفرگه يتكن.
عامه ساغليك وزيرليگي اوتكن ٢٤ ساعت جريانيده ١١١٦ شبهه لي واقعه لرني تيكشيرگني ايتيب بو آره دن ١٩٢ كيشي كابل ده، ٦٥ كيشي باميان ده، ٦٤ نفر تخارده، ٥١ نفر بلخ ده، ٤٠ كيشي پكتياده، ٢٧ نفر قندهارده، ٢٧ كيشي كندز ده، ٢٤ كيشي ميدان وردك ده، ٢١ نفر بغلان ده، ١٤ كيشي دايكندي ده، ١٢ كاپيسا ده، ٨ كيشي نورستان ده، ٥ نفر كنر ده و ٢ نفر زابل ده كرونا ويروسي ني يوقتيرگني اعلان ايتي.
