پاكستان ني كابل ده گي ايلچيسي، پاكستان باش وزيري عمران خان، جمهور رييس محمد اشرف غني دعوتيگه مطابق بوكون كابل گه كيلگني دن خبر بيرگن.

پاكستان ني كابل ده گي ايلچي سي منصوراحمدخان بوكون( پنجشنبه ٢٩ عقرب) توييترصحيفه سيده يازگن، پاكستان باش وزيري طياره سي نيچه دقيقه آلدين كابل خلق ارا هوا قونالغيده قوندي.

احمدخان گه كوره پاكستان باش وزيري بيركون كابل گه قالماقچي. اوني معلوم قيليشيچه عمران خان بو سفرده جمهور رييس غني بيلن اوچرشيب و اقتصادي همكارليكلر و كابل و اسلام آباد ارا علاقه لرني رواجلنتيريش بويچه صحبتلش ماقچي.

پاكستان ايلچيسي بو سفر ايككي مملكت ارا علاقه لر رواجلنيشي ده مثبي نتيجه بيريشي ني اميد قيلگن.

عمران خان پاكستان باش وزيرليك مقامي گه سايلنگن دن سونگ بو ايككينچي بار دير كه كابل گه سفر قيلگن.عمران خان بوندن قريب بير آي آلدين جمهور رييس غني بيلن تلفن آرقلي صحبتيده افغانستان گه سفر قيليشي دن وعده بيرگندي. حكومت، كابل شهريده ترافيكي گوجومليك ني كميتريش اوچون بوكون عمومي تعطيل اعلان قيلگن.