اجتماعی کج روی لرگه قرشی کورش؛ تهمت تاقیش حل یول ایمس
neshananews
28 October 2020اوغیرلیک، ریجه لنگن قتللر، آدم اوغیرلش و قوراللی اوغیرلیک لر، کابل یشوچی لری تماغینی قیسگن اینگ ییریک اجتماعی کج روی لر جمله سیدن دیر. بو جنایتلر رقمی کون اوتیشی بیلن مثل سیزدرجه ده آرتیب بارماقده. بو کون لر کابل شهری دهشت شهریگه ایلنگن و اهالی آسایشته لیگی نی برهم بیرگن. خودکش هجوم لر و پارتلشلر، قوراللی اوغیرلر و آدم اوغیرله یاتکان گروه لردن قورقو و تشویش کون سیون شهرده کوپیب بارماقده و کابل شهری یشوچی لری ننیگ روح باسیم لرینی هم کورگه کورنرلی درجه ده کوپیتیرگن.
شو جهت دن جمهوررییس غنی نینگ بیرینچی اورین باسری امرالله صالح کابل شهری خوفسیزلیگی نی تامین لش مسوولیتی نی اوز بوینیگه آلگن و اوزینی ایتیشیچه « کوچه مه کوچه » استخباراتی ایش لرنی عمل گه جاری ایتیب و ریجه لنگن جرم و جنایتلرگه قرشی کورشماقچی بولگن. جنایی جرم لرگه عیب دار بولگن شخص لر عکس لرینی خیابان لرگه قیستیریش، صالح جنابلری نی جنایی جرم لرگه قرشی کورش ده جدی عزم و اراده سی نشانه سی دیر. صالح جنابلری جرم و جنایت گه قرشی کورش استراتیژی سینی موفقیتی اوچون پایتخت ده مردم دن یاردم ایستشکن.
اما اساسی سوال شونده که مردم نینگ اجتماعی کج روی لریگه قرشی قندای کورشیش ممکن؟ کج روی لرگه قرشی کورشیش اوچون حاضرگی شرایط ده بو استراتیژی مناسب حل یول بوله آله می؟ کابل ده‌گی کج روی لرنینگ ایلدیزی نیرده و نیگه جرم و جنایت و ریجه لنگن اوغیرلیک لر رقمی یوقاری دیر؟ جنایی جرم لرگه عیبلنگن شخص لر تصویر و عکس لرینی خیابان لرده قیستیریش بو شهر ده جنایی جرم لرنی کمیتیریش ده یاردم بیره آله می؟ بو سواللر جوابی بیزنی کج روی لردن فهم و بیلمی میزدرجه سینی کوپیتیریب و اونی آلدینی آلیش ده هم کیرک لی زمینه لرنی مهیا ایته آله دی.
اولکه شناس لرکج روی لرنی تعریف قلیش ده یگانه فکر و ملاحظه گه ایگه ایمس لر. عمومن آلگنده قصدی قانون بوزرلیک هر بیر انسان حیاتی ده کج روی دیب اته لدی. بو ریجه ده اگر انسانلرنی هر بیر عملی اولکه ده قبول بولگن اجتماعی اصوللرگه خلاف بولسه اجتماعی ضرر زیان و کج روی دیب اته لدی. شونگه بناعن اوغیرلیک هم بیر اجتماعی صدمه وآسیب دیرو بوکون لر کابل یشوچی لری آسایشته لیگی نی برهم اورگن.
کابل ده‌گی قوراللی اوغیرلیک لر انه شو اجتماعی کج روی لرنشانه سی دیر و اجتماعی عامل گه ایگه بولیب شونی اوچون اونی اورتدن کیتقزیش اوچون اجتماعی دارو و درمان گه ضرورتی بار. جمهوررییس بیرینچی اورین باسری امرالله صالح جنابلری نینگ « تهمت تاقنیش» سیاستی نی هرجهت دن تیکیشیریلشی لازم. کابل ده جنایی جرم لرگه عیبلنگن شخصلرنی عکسلرینی قیستیریلیشی نی اولکه شناس لر« تهمت تاقیش» نی اجتماعی آسیب و انحرافی دیب تعریف لیدلر. بو نظریه گه مطابق بیر اولکه ده جرم وجنایت تهمت تاقیش خصوصیت گه ایگه بولگن شخص لر تمانیدن بجریله دی و بو تهمت تاقیش حقیقی واقعیت ایمس بلکه بیر ذهنی حقیقت دی.شو سبب دن تهمت تاقیش تورلی خیل جرملرنی کوپیشی گه سبب بولیشی و اولکه ده اجتماعی انحراف لر و کج روی لرگه زمینه یرتیشی ممکن.
عکسلری خیابان لرده نشر بولگن کیشی لر ممکن مسلکی اوغریلر بولمه سه لر، اما عکس لری عامه جایلرده قیستیریلگن دن سونگ عقده آلیب اینگ خطرلی ایش لرگه قول اوریش لری ممکن و کیله جکده هم مسلکی اوغریلرگه ایلنیش لری ممکن. چونکه اولر اوز آبرو وحیثت لری نی قول دن بیرگن و قول دن بیریش اوچون باشقه هیچ نرسه لری قالمگن و شواوچون اولرگه نسبتن حکومت نینگ تهمت تاقیش سیاست لری اولرنی مسلکی اوغریلرگه ایلنیش گه یاردم بیرسه کیرک. شو سبب دن ایتیش ممکن که جمهورریس بیرینچی اورین باسری ننیگ بو سیاست و حرکتی نه فقط فایده لی ایمس بلکه جنایی جرم لرو اجتماعی کج روی لرگه قرشی کورش ده سل بی تاثیر قالدیریب وپایتخت کابل ده جنایی جرم لرنی کوپیشی گه سبب بولیشی ممکن.
کابل ده‌گی کج روی لرنی اقتصادی و اجتماعی ایلدیزی هم بار. ۵۴ فایز جمعیتی قشاق بولگن و اجتماعی و طبقاتی مسافه لر کون اوتیشی بیلن کوپیب باره یاتکان مملکت ده مجرم لرعکس لرنی قیستیریش یا باشقه چه قیلیب ایتکن ده « ابروریزی» مراسمی نی یولگه قویش بیلن جنایی جرم لرایلدیزینی قوریتیش ممکن ایمس.
افغانستان سیاستچی لری بیرینچی دن مملکت یشوچی لری کونده لیک آذوق اوقاتی و کیرکلی ضرورت لرینی تامین لب کینچه لیک جنایی جرم لرگه قرشی کورش نی باشلش لری لازم. بوندای بولمگن تقدیرده « کوچه مه کوچه » استخباراتی نظارت احتمال سلبی نتیجه بیریب و جنایی جرم لرنی کوپیتیریب و در حقیقت باشقه ینگی و اوته خطرلی جرم لرنی اولکه ده توغدیریب وضعیت نی حاضرگی شرایط دن کوره یمان راق قیلشی امکان دن اوزاق ایمس.
