اروپا اویشمه‌سی: افعانستان ده هزاره‌لر قتللری توختتلیشی لازم
neshananews
03 June 2021اروپا اویشمه‌سيني کابل‌ده‌گي دفتری هزاره‌لر قتللری مملکت‌ده توختتیلیشی نی طلب ایتکن. اروپا اویشمه‌سی هزازه‌قومی‌ني نشانگه توتکن واقعه‌لر تیکشیریلیشی لازم لیگی ني هم ایستشکن.
اروپا اویشمه‌سي بوکون( پنجشنبه ۱۳ جوزا) نشرایتکن خبرنامه‌سیده افعانستان‌ده هزاره‌قومي گه قرشی ریجه‌لنگن هجوملر تشویشلنرلی دیب ایتکن. بو خبرنامه‌ده بوقوم گه قرشی ریجه‌لنگن ترور و قتللر تیزلیکده توختتیلیشی طلب ایتیلگن.
اروپا اویشمه‌سي خبرنامه‌سیده هزاره قومي ني نشانگه توتکن واقعه‌لر برچه سي تیکشیریلیشی لازم لیگی و اوني عامللری جزالنتیریلیشی تاکیدلنگن.
بو اویشمه افعانستان ده هزاره‌لرگه بوندای ریجه‌لنگن ترورلر توختتیلیشی‌ني اوندای بیرحالده تاکیدلشکن که سونگی ییللرده بو قوم گه قرشی بیرقطار ریجه‌لنگن هجوملر عملگه آشیریلیب بو قوم‌دن کوپلب قربانی‌کردن آلگن.
اینگ سونگی واقعه‌ده پارتلوچی ماده‌دن توله بیر نقلیه واسطه کابل شهری غربیده جایلشکن بیرمکتب طلبه‌لرینی نشانگه توتدی.بو پارتلشده اینگ آز ۸۵ قیز اوقوچیلر اوزلرینی قولدن‌بیریب ۱۵۰ دن کوپراق طلبه هم جراحتلندی.
هزاره‌لرگه قرشی اویشتیریلگن اونلب هجوملردن بیری بولگن بو قانلی هجوم‌دن سونگ بیرقطار ایچکی ارگان جمله افعانستان انسان حقلری مستقل کمیسیونی هزاره‌لر سونگی ییللرده نسل کشلیک خطری بیلن یوزمه یوزربولگن دیب ادعا قیلدی.
