جمهور رييسليك سراي افغانستان نينگ طالبان بيلن مذاكره قيلوچي هياتي اعضاسي بولگن خانم فوزيه كوني نوبل مكافات ني آله ياتكان شخصيت لر رويخطي ده كيريتيلگني آلقيشلشگن.
جمهور رييس سوزچيسي صديق صديقي بوكون ( شنبه ١٢ ميزان) توييترصحيفه سيده يازگن خانم فوزيه كوفي افغانستان دولتي نينگ طالبان بيلن مذاكره قيلوچي هياتي اعضاسي دير و افغانستان حكومتي نوبل مكافاتي رويخط ده اوني اسمي كيريتيلگني خوش قرشي ليدي. صديقي جنابلري طالبان بيلن تينچليك مذاكره ار جريانيده، افغانستان ده تينچليك تامين لنيشي و عياللر حق حقوقلريدن مدافعه ايتيش ده خانم كوفي سعي و حركتلريني مختو و دقت گه سزاوار اته گن.
فوزيه كوفي ناروي كينگاشي تمانيدن ( نوبل مكافاتي ني قولگه كيريتيش احتمالي نامزادي) اوله راق ٢٠٢٠ ييل ده اعلان بولگن. بو مكافات ني ايگللش اوچون بوتون دنيا دن جاري ييل ده بيش كيشي نامزاد بولگن.
فوزيه كوفي افغانستان پارلمانيده ايككي دوره ملت وكيل اوله راق تنلنگن و افغانستان ده عياللر حقلريدن حمايه و مدافعه ايتيش اوچون تنيقلي سيمالردن بيري دير.او حاضر طالبان بيلن تينچليك مذاكره لرده افغانستان عياللري نماينده سي اوله راق باشقه اوچ عيال بيلن اشتراك ايتكن.تينچليك مذاكره لر قطرده باشلنيشي دن نيچه كون آلدين خانم كوفي قرشي سو قصد اويشتيريلدي اما اونگه جدي صدمه يتكزيلمه دي. او بو حادثه دن سونگ طالبان بيلن صلح مذاكره لرده عياللر حق لري اياغ آستيده قاليشي آلدي آليشي دن ايشانچ بيلديرگن.