جمهور ریس لیک سراینی اعلان قیلشیچه حکومت رهبرلیگی ده مملکت امنیتی وضعیتی نی تیکشیریش اوچون فوق العاده  یغینی بامیان ولایتی ده اوتکزیلدی.

جمهورریس لیک سرای اوتکن کیچه( یکشنبه ۳۰ سنبله ) بیرخبرنامه نشرایتیب بو یغین ده حکومت رهبرلیگی و امنیتی اداره لر عالی رتبه لی مقام لری اشتراکی بیلن، جمهورریس غنی بامیان گه سفر قیلگندن سونگ اوتکزیلگنی نی ایتکن.

ارگ خبرنامه سیگه کوره، مملکت عمومی وضعیتی بو یغین ده کوریب چیقیلگن و امنیتی برنامه لر ، حربی عملیات لرو طالبان تهدیدلری نی دفع ایتیلشی و مملکت امنیتی و مدافعوی قوتلری نینگ معما وفرصت لری بو یغنی ده بحث بولگن.

ارگ معلوماتیگه کوره جمهورریس غنی بو یغین ده مملکت شاه یوللری امنیتی نی تامین لنیشی و ناقانونی پول آلیش گه نقطه قويليشي اوچون امنیتی قوتلر تمانیدن جدی راق اعتبار قرتیلشی و ولایت لرنینگ امنیه قوماندانلیک لریده اساسی اوزگریش لر شایسته لیک معیارلرگه مطابق قول اوستیده آلینیشی نی طلب ایتکن.

بو یغین ده امنیتی ارگان لر مسووللری، حکومتدارلیک و خذمت یتکزیش ایش لر تومنلر سطحی ده کینگیشی نی تاکیدلشکنلر. بو فوق العاده یغنی اوندای بیرحالده بامیان ده اوتکزیلدی که بوندای یغین لر عموما ارگ ده اوتکزیلردی. افغانستان حکومتی حاضرگه قدر بو یغین نیگه بامیان گه اوتکزیلیشی نی ایضاح بیرمگن.