افغانفیلم اداره‌سي‌نینگ ایککی ملازمی کابل‌غربیده یوزبیرگن پارتلشده جان بیرگن
neshananews
13 June 2021افغانفیلم اداره‌سي مسووللری، بو اداره‌نینگ فاطمه و طیبه ناملی ایککی ملازمی کابل غربیده یوزبیرگن پارتلشده اوزجانلرینی قولدن بیرگنی‌ني تصدیقلشکن.
افغانفیلم اداره‌سي رییسی صحراکریمی بوکون ( یکشنبه ۲۳ جوزا) نشانه‌خبر‌آژانسی بیلن صحبت ده بو اداره نینگ ایککی ملازمی اوتکن کونی کابل‌شهری آلتینچی امنیتی حوزه‌سیگه تیگیشلی بولگن محمدعلی‌جناح شفاخانه‌سي یقنیده بیر تونس موتریده جایلشتیریلگن ماین پارتلشی نتیجه‌سیده اوزجانلرینی قولدن بیرگنی‌ني ایتدی.
خانم کریمی بو ایککی ملازمی ایش محلی دن اویلری تمان باره‌یاتکان چاغیده بو پارتلش نتيجه‌سیده اوزجانلرینی قولدن بیرگن دیدی.
افغانفیلم رییسی بو ایککی ملازم جسدلری بیرکون‌دن‌سونگ طب‌عدلی اداره‌سیده انیقلنگن ديدي. اوني معلوم قیلیشیچه بو ایککی قیز تازه‌لیکده بو اداره‌ده ایشگه آلینگن‌ایکن.
اوتکن کونی کابل‌غربیده ایککی آلدین‌کیین پارتلش یوزبیردی. اوني نتیجه‌سیده عادی اهالی‌دن ۷ کیشی اوزجانلرینی قولدن‌بیریب و ۶ کیشی‌هم یاره‌لنگندی
حاضرگه‌قدر هیچ بیرگروه بوپارتلشلر مسوولیت‌لرینی اوز بوینیگه آلمگن.
