اوزبيكستان جمهور رييسي شوكت ميرضيايف، مملكتي افغانستان تينچليك آقيمي دن هر تمان له مه حمايت ايتيشي ني ايتكن.

ملي يرشيش عالي كينگاشي اوتكن اقشام( چهارشنبه ٢١ عقرب) نشر ايتكن خبرنامه سيده اوزبيكستان جمهور رييسي بو موضوع ني افغانستان ملي يرشيش عالي كينگاشي رييسي عبدالله عبدالله جنابلري بيلن اوچرشكنده ايتكني دن خبر بيرگن.

خبرنامه گه كوره ميرضيايف جنابلري، اوزبيكستان قوشني افغانستان بيلن علاقه ده بولگنيده مخصوص اهميت بيريب و افغانستان ملتي مالكيتي ده بولگن تينحليك آقيمي دن هرتمان له مه حمايت ايته ديب تاكيدلشكن. اوزبيكستان جمهور رييسي ايتكن، تاشكند، افغانستان تينچليك پروسه سيده هرتمان له مه همكارليك قيليش دن علاوه منطقه اي باغلنيش، تيمير يول و كرونا ويرويسي گه قرشي كورشده كابل بيلن همكارليك قيله دي.

خبرنامه گه اساسن بو اوچرشوده شونينگ ديك عبدالله جنابلري افغانستان ده تينچليك تامين لنيشي ني منطقه منفعتي گه اتب افغانستان حكومتي، خلق ارا حمايت لرگه ايگه بولگن تينچليك مذاكره لر فرصتي دن كيرك لي درجه ده استفاده قيليش دن تياردير ديگن.

ملي يرشيش عالي كينگاشي رييسي عيني دمده طالبان تمانيدن زوروانليك لر شدت آلگني گه توختليب مملكت ده زورونليك لركميشي ني طالبان دن طلب ايتي. عبدالله جنابلري، طالبان حاري صلح فرصتي ني قول دن بيرمسليك لريني هم تاكيدلشدي.

ملي يرشيش عالي كينگاشي رييسي عبدالله عبدالله سه شنبه كوني (٢٠ عقرب) توش دن سونگ بير عالي رتبه لي دولتي هيات باشچيليگيده بوليب اوزبيكستان گه سفر قيلدي.تينچليك آقيمي اوچون منطقه اي بيردمليك و اجماع ني قوللب قوتلش عبدالله جنابلري نينگ سفري مقصدي بولگن. عبدالله جنابلري بوندن آلدين پاكستان و هندوستان گه هم سفر قيلگندي.