اوچ كونليك آتش كيسيم يكونلنگني؛ هلمند ده اردو و طالبان ارا اورش باشلندي
neshananews
16 May 2021ميوند ٢١٥ قول اردوسيني اعلان قيليشيچه رمضان هيتي اوچ كونيده برقرار بولگن آتش كيسيم دن سونگ، ملي اردوني هلمند ولايتي ده تازه لش عملياتي قيته باشلنگن.
بو قول اردو بوكون ( يكشنبه ٢٦ ثور) بيرخبرنامه نشر ايتيب يازگن بو قول اردوني تعرضي، تازه لش و تروريسم گه قرشي عملياتلري قيته باشلنگن.
ميوند قول اردوسي خبرنامه سيگه كوره بو حربي عمليات لر ناوه، نهرسراج و لشكرگاه شهري اطرافيده عيني زمانده باشلنگن.ميوند قول اردوسي بو منطقه لر يقين كيله جكده طالبان قوراللي لريدن تازه لنيشي دن ايشانچ بيلديرگن.
هيت نينگ اوچ كونيده برقرار بولگن آتش كيسيم دن سونگ طالبان گروهي هم ملي اردو قوتلريگه قرشي هجوملريني باشله گني دن خبربيرگنلر. بو گروه اما شدتلي اوروشلر يولگه قويليشيدن وازكيچيشي ني تاكيدلشكن.
ملي اردو قوتلري و طالبان جنگچي لري ارا اوروشلر اونداي بيرحالده باشلنگن كه توقنشولر هيت نينگ اوچ كونيده توختتيلگندي. اوچ كونليك آتش كيسيم چوزيليشي كوتيلردي.امريكا تشقي لر وزيرليگي، جمهورريسليك سراي و بيرقطار خلق ارا تشكيلاتلر آتش كيسيم چوزيليشي ني طلب ايتكنديلر اما طالبان دو طلب لرگه مثبي جواب بيرمدي.
