ایچکی ایشلر وزیرلیگی بلخدهگی دواطلبلرگه قورال ترقهتهدی
شِمالده، اینیقسه بلخ ولایتیده اوروش اوج آلگنی و ولایت نینگ بیر قطار تومنلری طالبان جنگریلری تصرفیگه اۉتگنیدن سۉنگ، ایچکی ایشلر وزیرلیگی بلخدهگی داوطلبلرگه حربي اسباب- اسکونه و قوراللرنی ترقهتیشگه قرار آلگن.
کېچه ایچکی ایشلر وزیرلیگی نینگ استراتیژي و پالیسی بۉییچه اۉرینباسری نقیباللهفایق (۱-سرطان، سهشنبه) بلخ ولایتی مرکزی مزاری شریفده وزیرلیک، طالبانگه قرشی آدملرنیشمال و شِمال-شرقده سفربر قیلیشگه حرکت قیلهیاتگنینی ایتدی.
جناب فایق نینگ قۉشیمچه قیلیشیچه، ایچکی ایشلر وزیرلیگی طالبلرگه قرشی کورهشهیاتگن داوطلبلرگه قورال-یراق، حربي اسباب- اسکونه و معاش هم بېرهدی. ایچکی ایشلر وزیرلیگی نینگ استراتیژي و پالیسی ایشلر بویچه اۉرینباسری، یۉقالگن حدودلرنی قَیتریب آلیش اوچون برچه حربي و حربي انشاعاتلر موجودلیگینی تأکیدلهیدی. جناب فایق نینگ قۉشیمچه قیلیشیچه، داوطلب لرگه هرمقداردهگی قورال-یراق بېریلهدی.
ایچکی ایشلر وزیرلیگی نینگ استراتیژي و پالیسی اۉرینباسری مملکت نینگ برچه امکانیت ولایتلرده، اینیقسه، شمال و شِمال-شرقده خلق کوچلریگه تقدیم اېتیلیشینی توشونتیرهدی. جناب فایق نینگ سۉزلریگه کۉره، یۉقالگن میدانلرنی قَیتریب آلیش بۉییچه عملیلاتلر تېز آرهده باشلنهدی. اونینگ تأکیدلشیچه، ایچکی ایشلر وزیرلیگی اوروش اوچون برچه تخنیک و جهازلرنی بېریشگه تیار.
ایچکی ایشلر وزیرلیگی بلخدهگی داوطلبلرنی قورال بیلن تأمینلنگنلیگینی، بلخ نینگ سابق حاکمی عطامحمد نور کېچه ولایتگه کېلگنیده اعلان قیلدی. جناب نور بیر مونچه وقت چېت اېلده بۉلگن، اما کورینیشیدن طالبلرگه قرشی کورهشیش اوچون بلخگه کیلگن.
عینِ پیتده طالبلر شمالي ولایتلر تومنلرنی اېگهللب آلیش اوچون یقینده هجومنی کوچهیتیردی. منه اۉن کوندهن بېری بلخ-جوزجان شاهیولی طالبان جنگریلری نظارتی آستیده. بو شاه یۉل طالبلر تامانیدن قرشیلیک و تۉقنهشوولرسیز قۉلگه کیریتیلگن.