بامیان محلی اداره سینی اعلان ایتیشیچه بو ولایت ده امنیتی تهدیدلر کوپیگنی دن سونگ بامیان مرکزیده اوچ اومنیتی حوزه ایجاد ایتلیشی ده قرار آلینگن.
بامیان ولایت حاکملیگی مطبوعات دفتری بوکون ( چهارشنبه ۱۲ قوس) بیرخبرنامه نشرایتیب بو اوچ امنیتی حوزه یقین کیله جکده فعالیت باشلشی دن خبر بیرگن. خبرنامه گه کوره بو ولایت ده امنیتی تهدیدلر کوپیگنی دن سونگ بو تهدیدلرنی برطرف ایتیش اوچون بیر حوزه ییترلی ایمس و شو سبب دن بو ینگی امنیتی حوزه لر ایجاد ایتیلماقچی. حاضرچه بامیان مرکزیده یالغیز بیر پولیس امنیتی حوزه سی فعالیت قیلماقده.
سونگی کون لرده بامیان شهریده اوچ قانلی پارتلش یوز بیردی و اونی نتیجه سیده عادی اهالی دن ۲۰ کیشی اولدیریلیب و اینگ آز ۵۰ کیشی یاره لندی.

کینگ قمرو ده قاره لنگن بو پارتلش لردن سونگ بو ولایت ده تروریستی واقعه و هجوملر کوپیشی دن تشویش لرهم ارتیب بارگن.

اوتکن ۱۹ ییل جریانیده بامیان مملکت نینگ تینچ ولایت لری جمله سی دن ایدی.اما بو ولایت ده مثلی کورینمگن اوچ قانلی واقعه یوز بیرگنی کوپلب تنقید لرگه هم سبب بولدی.