افغانستان ده امریکاليك حربيلرني سوزچيسي بو قوتلرني بير اوچاقي جنوبي قندهار ولايتي ده فوق العاده قونيش گه مجبور بولگني ني اعلان ايتي.

امریکاليك قوتلر سوزچيسي سانگ لگت بوكون (يكشنبه ٢٧ ميزان) توئيتر صحيفه سيده (c- 17 Globemaser) توردن بولگن بو اوچاق بوكون توش دن آلدين قندهار هوا قونالغنی فوق العاده قونگن ديب يازگن.

لگت جنابلری بو واقعه ده هيچ كيم گه صدمه يتكزيلمگن ديب ايتكن. امریکاليك حربي لرني افغانستان ده گي سوزچيسي طالبان و افغانستان دولتي مخالف كوچ لري هجومي ني بو واقعه ده رد ايتيب بو واقعه بويچه تيكشيرولر باشلنگني دن خبر بيرگن.

اوتكن هفته امريكا حربي لريگه تيگيشلي حربي جهاز و اسباب اسكونه لر پاكستان گه انتقال بيريليشي جرياني پاكستان نينگ خيبر پشتون خواست ايالتي ده هجوم آستانه آليندي