تالقان امنیتی مسووللری بیر قیز باله دن جنسی بهره آله یاتکان اوچ کیشی نی توتقین ده آلگنی دن خبر بیردی.

 اوز اسمی نی ایتیش دن واز کیچکن بیر معتبر امنیتی منبع، نشانه خبر آژانسی صحبت ده دیدی اون اوچ کیشی تخار ولایتی ده اون ایککی یاش ده بولگن بو قیزباله دن جنسی فایده لنیش اوچون اوز نزدلریده سقلنردی. اونگه کوره  بو شخص لر،بو قیزباله نی امنیتی قوتلر کوزیدن یاشیریشی اوچون دایم ایرکک باله لر کییمی نی کیدیرردیلر.

۱۲ یاشده بولگن بو قیزباله امنیتی قوتلر بیلن صحبت ده دیدی آته سی مخدره ماده لرگه معتاد دیر. او نیچه آی آلدین بیر عیال تمانیدن خصوصی یغین لرده یول تاپکن. بو قیزباله نی ایتشیچه بو جریان ده شو شخص لر کوپ مراتبه اونگه نشه لی دارو ایچیرتیریب و ایرکک لر یغین لریده اوینلتیرگن.

  بو قیزباله دوسیه سی اوچ کوندن بیری تخار ولایتی نی جنایی جرم لرگه قرشی کورش اداره سیده تیکشیریلماقده. بو دوسیه برچه عامل لری هنوز توتقین ده آلینمگن.

هرچند تخار ولایتی پولیس مسووللری بو باره ده رسانه لر بیلن صحبت لشده حاضر ایمسلر، اما معتبر منبعلر بو قیزباله گه جنسی تجاوز قیلگن و اوندن بهره آلگن کیشی لر رویخطی اوزین ایکنی نی ایتماقده لر.

 خلق ارا حجت لرگه کوره باله لرده جنسی بهره آلیش انسانی فاجعه حسابلندی. جنسی بهره آلیش باله لر حقلریگه آشکارا تعرض و انسانی کرامت و قدریت لرگه ضد حرکت سنله دی.