تخارولايتي اوچ امنيتي مقامي مخدره ماده لر قاچاقي عيبلوي بيلن توتقين ده آليندي
neshananews
08 September 2020تخارولايتي امنيتي قوتلر مسووللري، بو ولايت امنيه قومانداني نيچه مسوولي مخدره ماده لر قاچاقي عيبلوي بيلن توتقين ده آلينگني دن خبر بيرگن.
تخارولايتي امنيه قومانداني سوزچيسي خليل اسير گه كوره بو مقاملر اوتكن كوني( دوشنبه ١٧ سنبله) بو ولايت نينگ كلفكان تومنيده مخدره ماده لرگه قرشي كورش پوليسي تمانيدن حبس ده آلينگن.
اسير جنابلري حاضرگه قدر بو شخصلر كيم ليگي و قولگه آلينگن مخدره ماده لر مقداري معلوم ايمس ديب ايتكن اما تخار پوليسي امنيه قوماندان ليگي بيرقنچه مقاملري توتقين ده آلينگني ني تاكيدلشكن.
معلوماتلرگه اساسا” تخارولايتي پوليس قوتلري استخبارات باشليغي، كلفكان تومني استخبارات باشليغي و چيگره قوريقچي قوتلر تولي قومانداني توتقين ده آلينگن لر جمله سيدن بولگني ايتيلگن.
بوندن آلدين كابل ده مخدره ماده لرگه قرشي كورش پوليسي نيچه مقامي مخدره ماده لر قاچاقي عيبلوي بيلن حبس ده آلينگندي.
