تشقي ايشلر وزيرليگي: استراليا كابل ده گ ايلچيليگي ني باغلش قراريني قيته كوريب چيقه دي
استراليا دولتي كابل ده گي ايلچيليگي ني ياپيش گه داير قراريني اعلان قيلگندن سونگ افغانستان تشقي ايشلر وزيرليگي بو دولت دن بو قراريني قيته كوريب چيقيشي ني طلب ايتكن.
افغانستان تشقي ايشلر وزيرليگي بوكون ( سه شنبه ٤جوزا) نشر ايتكن خبرنامه سيده كابل استراليا دولتي ني قراريگه حرمت قويه دي ديب اما افغانستان دولتي برچه خارجي مملكت لر ديپلماتيك مركزلري خوفسيزليگي ني تامينلشده متعهد ابكني ني تاكيدلشكن. بو وزيرليك شو سبب دن بومملكت دن بو قراريني قيته كورب چيقيشي ني طلب ايتكن.
تشقي ايشلر وزيرليگي عيني حالده استرالياني افغانستان دن مالي حمايت لري دوام ايتبي باريشي دن قدردانليك كورستيب ايككي مملكت ارا علاقه لر اوتميش ده گي ديك مستحكم قاليشي ني اميد قيلگن.
استراليا تشقي ايشلر وزيرليگي بوكون ايرته لب كابل ده گي ايلچيليگي ني امنيتي معمالر سبب بيرمدت گه چه باغلشي ني اعلان ايتي. استراليا دولتي بو ايلچيليگي قچان گه چه كابل ده ياپيق قاليشي ني انيق لشمگن.