جمهورريسليك سراي ني اعلان قيليشيچه افغانستان جمهورريسي محمد اشرف غني تركيه ني افغانستان ده گي ينگي ايلچي سي جهاد ارگين اعتبارنامه سيني قبول ايتكن.
ارگ مطبوعات بوليمي بوكون ( شنبه ١ جوزا) بيرخبرنامه ده تركيه ني ينگي ايلچي سي اعتبارنامه سي تاپشيريش مراسمي بوكون توشدن الدين كابل ده اوتكزيلگني دن خبر بيرگن.
اگر خبرنامه سيده جمهوررييس غني تركيه ايلچي سي اعتبارنامه سيني قبول ايتيشي بيلن كابل و انقره ارا دوستانه علاقه لر دوام ايتيب باريشي ني تلكيدلشكن.
غني جنابلري تركيه دولتي افغانستان تينچليك آقيميده مثبي رول اوينيشي ني هم بو اوچرشوده آرزو قيلگن. ارگ خبرنامه سيگه كوره تركيه ايلچي سي هم بو مراسم ده، افغانستان ده دايمي تينچليك و برقرارليك تامين لنيشي اوچون مملكتي اوز حمايتلريني دوام ايتيريش دن سوز بيرگن.
تركيه مملكتي افغانستان اوچون اونداي بيرحالده ينگي ايلچي جونتكن كه بو مملكت افغانستان تينچليك اوچون بير خلق ارا يغين ني ميزبان ليك قيلماقچي ايدي. بو يغين تاريخي ايككي بار معطل بوليب رمضان هيتي دن سونگ اوتكزيليشي ريجه لنگن. اما حاضرگه قدر اوني انيق تاريخي معلوم ايمس.