سابق جمهورریس حامدکرزی، ملی یرشیش عالی کینگاشی کاملراق بولیشی نی تاکیدلب اونگه کوره یخشی و فایده لی نظرلرگه ایگه بولگن شخص لر بو کینگاشی تشکیلی گه کیریتیلشی لازم لیگی نی طلب ایتکن.

کرزی جنابلری بوکون ( شنبه ۱۵ قوس) ملی یرشیش عالی کینگاشی رهبرلیک کمیته سی ایلک یغینیده بو کینگاش رهبرلیک دایره سی کینگیتیریلیشی لازم لیگی نی طلب ایتی. سابق جمهوررییس ملی یرشیش عالی کینگاشی ریسی دن بو کینگاش ده رنگین دادفر اسپنت، کریم خرم، عمرزاخیلوال، سابق کابینه اعضالری و باشقه فکر ایگه سی بولگن شخصیت لرنی دعوت ایتیلیشی نی طلب ایتی.

باشقه تماندن بیرقطار سیاسی سیمالر جمله ده رحمت الله نبیل و سیداسحق گیلانی اسملری ملی یرشیش عالی کینگاشی رهبرلیک کمیته سیگه کیریتلگن دن سوتگ جمهورریس غنی مخالفتی سبب بو کمیته رویخطی دن چیقاریلگنی نی ادعا قیلگنلر.

کرزی جنابلری، ملی یرشیش عالی کینگاشی افغانستان خلقی طلب لریدن معنالی روشده ارقه داشلیک و حمایتی نی تاکیدلشدی. او دولت نینگ مذاکره قیلوچی هیاتی نینگ ایش لریدن قدرانلیک کورستیب بو هیات دن حمایت ایتیشی نی اورغولشکن.

ملی یرشیش عالی کینگاشی رهبرلیک کمیته سی ایلک یغینی بوکون جمهوررییس لیک سرای ارگ ده اوتکزیلدی. بو یغینده اسلامی حزب رهبری گلبدین حکمتیار و اسلامی جمعیت حزبی ریسی صلاح الدین ربانی دن باشقه برچه سیاسی سیمالر قتنشکندیلر.