خلیلزاد: افغانستان ده تینچلیک مذاکره لردن جهان کینگ قمرو ده ارقه داشلیک قیله دی
neshananews
20 September 2020امریکانی افغنستان تینچلیگی اوچون مخصوص نماینده سی، افغانستان ده تینچلیک مذاکره و کیلیشودن جهان دولتلری کینگ قمرو ده ارقه داشلیک کورستکن.
خلیلزاد جنابلری بوکون ایرته لب ( یکشنبه ۳۰ سنبله ) توییترصحیفه سیده افغانستان تینچلیک آقیمی ده بیرلشکن ملتلر تشکیلاتی خوفسیزلیک کینگاشی کورستکن حمایه سی اوچون نشر ایتکن تازه اعلامیه سی نی ایسلتیب یازگن افغانستان ده سیاسی کیلیشو دن جهاني حمایت موجود دیر دیب ایتکن.
خلیلزاد جنابلری علاوه ایتکن:« افغانستان برچه اهالی سی طلبی بولگن سیاسی کیلشو گه قول تاپیش اوچون خوفسیزلیک کینگاشی اعلامیه سی ، در حقیقت منطقه و جهان جماعه سی نینگ ارقه داش لیک و حمایتی نی کورسته دی.»
امریکانی افغانستان تینچلیگی اوچون مخصوص نماینده سی، بو افغانستان اوچون مثل سیز بیر فرصت دیر، چونکه نه فقط ایچکی گروه لر بیربیرلری بیلن مذاکره قیله دیلر بلکه بو مملکت ده بیر سیاسی کیلیشو یوز گه کیلیشی دن بوتون جهان جماعه سی هم حمایت ایته دی.
زلمی خلیلزاد نی تاکید لشیشیچه بو «مثل سیز فرصت » ده افغانستان ده دایمی تینچلیک برقرار ایتیلیشی اوچون فایده لنیش لازم.
بیرلشکن ملت لر تشکیلاتی خوفسیزلیک کینگاشی ایککی کون آلدین بیر اعلامیه نشرایتیب، افغانستان ده تینچلیک تامین لنیشی اوچون دوام ایتیب باره یاتکان مذاکره لردن حمایت کورستی. بو اعلامیه ده افغانستان ملی حاکمیتی، ییرحدودی و ملی بیرلیک و اتفاقی سقلنیشی تاکیدلنگن.
