افغانستان انسان حقلري كميسيوني، افغانستان ده سونگي تروريستي هجوملر بيرلشكن ملتلر تشكيلاتي خوفسيزليك كينگاشي تمانيدن قاره لگني ني آلقيشلب بو كينگاش اعضالريدن افغانستان ده عادي اهالي قتل توختتيليشي اوچون عملي حركت لر قول اوستيده آليشي ني طلب ايتكن.
بو كميسيون بوكون ( سه شنبه ٢١ ثور) بير خبرنامه نشر ايتيب كابل و لوگر قانلي هجوملري ني قاره لش بويچه خوفسيزليك كينگاشي كورستكن مناسبتي ني آلقيشلشكن.
بو كميسيون خبرنامه سيده خوفسيزليك كينگاشي تمانيدن يالغيز بو هجوم قاره لنگي ييترلي ايمسليگي تاكيدلنيب بلكه بو خلق ارا كينگاش افغانستان ده عادي اهالي قتلي آلديني آليش و توختتيش اوچون جدي راق عمل قيليشي ني طلب ايتكن.بيرلشكن ملتلرتشكيلاتي خوفسيزليك كينگاشي كابل غربيده قيزلر درس اوقي ياتكان بير مكتب و لوگرده كانكور سيناوي اشتراكچيلري گه قرشي قانلي هجوملرگه مناسبت بيلديريب صادر ايتكن اعلاميه ده افغانستان ده عادي اهالي قتلي توختتيليشي و بو تروريستي هجوملر عامللري جزا لنتيريليشي طلب ايتكن.
بو ايككي قانلي هجوملر اكثر قربانلري عادي اهالي و خصوصا مكتب طلبه لري دن عبارت.طالبان لوگر هجومي مسوليتي ني اوز صممه سيگه آلگن اما كابل غربيده گي هجوم مسوليتي ني هيچ گروه اوز بوينيگه آلمگن،