افغانستان تينچليكي بويچه امريكا ني فوق العاده نماينده سي زلمي خليل زاد دولت و طالبان تمانيدن اعلان ايتيلگن اوچ كونليك آتس كيسيمني آلقيشلب صلح مذاكره لري قيته باشلنيشي ني طلب ايتكن.
خليل زاد جنابلري بركون ايرته لب( سه شنبه ٢١ ثور) تويترصحيفه سيده يازگن افغانستان ده سونگي هفته لرده زوروانليك لر كوپيگن و اوني خراجتي ني افغانستان اهالي سي توله ماقده
خليل زاد جنابلري رمضان هيتي كونلريده اوچ كون ليك آتش كيسيم اعلان ايتيلگني ني آلقيشلب ايتكن وقتينچه ليك آتش كيسيم ييترلي ايمس و افغانستان يشوچيلري دايمي آتش كيسيم و برقرارليك گه ضرورتلري بار.
خليل زاد تاكيدلشكن افغانستان دولتي و طالبان گروهي هرقنچه تيزراق صلح مذاكره لريني باشلش لري كيرك و بو مملكت ده اوروش ني سياسي يوللر آرقلي يكونلنتيريش و دايمي آتش كيسيم تامين لنيشي اوچون سعي و حركت قيليش لري لازم ديگن.
امريكا افغانستان بويچه مخصوص نماينده سي علاوه ايتكن اوروشني يكونلتيريش دايمي آتش كيسيم ني تامين لش اوچون افغانستان خلقي نينگ اساسي طلبي دير و اوني عملگه آشيريليشي اوچون اشتاق بيلن كوتماقده لر ديدي.
او علاوه ايتي امريكا صلح مذاكره لري نتيجه گه ايرشيشي اوچون افغانستان خلقي يانيده تورگن.
اوتكن كوني بيرينچي دن طالبان و كينچه ليك دولت هيت كونلريده اوچ كونليك آتش كيسيم اعلان ايتيلر. بو اوچ كونليك آتش كيسيم مملكت اهالي سي تمانيدن آلقيشلندي اما مملكت ني برچه يشوچيلري و سياسي شخصيت لري اولكه ده دايمي آتش كيسيم تامين لنشي ني طلب ايتكنلر.