امريكا تشقي ايشلر وزيرليگي سوزچيسي نيت پرايز افغانستان دولتي و طالبان گروهي ارا هيت كونلريده اوچ كونليك آتش كيسيم ني آلقيشلب طالبان اوروش ده قيتيش دن وازكيچيشلري لازم ديب ايتكن.
امريكا تشقي ايشلر وزيرليگي سوزچيسي نيت پرايز بوكون( سه شنبه ٢١ثور) واشنگتن ده بير خبري يغين ده طالبان تمانيدن اعلان بولگن اوچ كونليك آتش كيسيم ني آلقيشله دي.
پرايز جنابلري افغانستان خلقي دايمي آتش كيسيم و بو مملكت ده اوروش ني يكونلنتيريش اوچون سياسي كيليشو گه سزاور ديرلر.
امريكا تشقي ايشلر وزيرليگي سوزچيسي طالبان نينگ اوروش و زوروانليك لرگه قيتيشي ني مشروعيتي يوق ديب تاكيدلشكن.
پرايز جنابلري علاوه ايتكن امريكا قوشمه ايالت لري افغانستان ده عادي اهالي تلفاتي ني كميشي گه سبب بوله ياتكان هرقنداي حركت آلقيشلب و بو مملكت صلح مذاكره لري سياسي سوزلشو ومذاكره آرقلي ايجابي نتيجه ايرشيشي اوچون سعي و حركتلريني دوام ايتيرشي دن ايشانچ بيلديرگن.
اوتكن كوني اول طالبان و كين افغانستان دولتي هيت كونلريده آتش كيسيم برقرار بوليشي ني اعلان ايتيلر.امريكا حكومتي ني افغانستان صلح مذاكره لري اوچون مخصوص نماينده سي زلمي خليل زادهم طالبان تمانيدن اعلان بولگن اوچ كونليك آتش كيسيم ني آلقيشلب و بو آتش كيسيم مدتي كيله جكده چوزيليشي ني طلب ايتي