جمهور ريس ليك سرايي ني اعلان قيليشيچه كابينه قراريگه مطابق دولتي مكتب لرنينگ بيرينچي دن اونينيچي صنف گه چه درس لري ١٢ ميزان باشلنه دي.

اوتكن كوني كيچقرون ( دوشنبه ٧ ميزان ) نشر بولگن ارگ خبرنامه سيگه كوره بو لايحه كابينه يغينيده تصديق لنگن. خبرنامه گه مطابق حكومت رهبريتي قراريگه اساسا دولتي مكتبلرني بيرينچي دن اونينچي صنف درس لري اون ايككينچي ميزاني باشلنيشي لازم.

كرونا ويروسي ييرلگني سبب تعليمي مركزلر فعاليتي توختتيلگنيدي، اما كابينه بيرينچي سنبله ده دولتي مكتب لرني اون بيرينچي و و اون ايككينچي صنف اوقوچي لريگه ساغليك ني سقلش توصيه لرني نظر ده توتيش بيلن مكتب لرگه حاضر بوليب درس اوقيشلريگه رخصت بيرگندي.بو قرارگه مطابق خصوصي مكتب لر درس لري بيرينچي صنف دن١٢ صنف گه چه رخصت بيريلگندي.

عيني حالده ايندي بير آي اوتر دولت كابينه سي دولتي مكتب لرده برچه صنف لر درس لري باشلنيشي گه رخصت بيرگن.

دولتي مكتب لرده درس لر باشلنيشي گه كابينه اونداي بير حالده رخصت بيرگن كه اوتكن هفته عامه ساغليك وزيرليگي دولتي مكتب و عالي اوقو يورت لرده كرونا ويروسي نينگ هيج بير مثبي واقعه سي رويخط ده آلينمگني ني اعلان ايتكندي.