عالي اوقويورت وزيرليگي تمانيدن طب فاكولته لري اجازت نامه سي بيكار قيلينكن تورت خصوصي عالي اوقويورت مسوللري دولت دن بو تيكشيرو لر قيته كوريب چيقيليش ني طلب ايتكنلر.

شفا، اساس، تركستان و اركوزيا خصوصي عالي اوقويورتلر اساسچي لري، لري، طلبه و استادلري بوكون( چهارشنبه ٢١ عقرب)كابل ده بير خياباني اعتراض يولگه قويب بو موسسه لر طب فاكولته لري اوستيدن اوتكزيلگن تيكشيرولر قيته كوريب چيقيليشي ني ايستشكنلر.

بورعالي اوقويورتلر كابل، بلخ و هلمند ده فعاليت قيلردي.

اساس عالي اوقويورتي ريسي افضل احساس اعتراضچي لر نماينده ليگي ده، عالي اوقووزيرليگي سليقه اي طرزده بو موسسه لر طب فاكولته سي اجازت نامه سيني بيكار قيلگن. احساس جنابلري بو موسسه لر طب تعليماتي بيكار قيلينيشيذبيلن يوزلب طلبه لر تقدير سيز قاله ديلر ديب تاكيدلشكن.

 اعتراض باشله گن باشقه بير موسسه ريسي هم خصوصي عالي اوقويورتلر طب تعليماتي طرف سيز روشده تيكيريليشي لازم ديدي. احساس جنابلري بو تورت موسسه لرني طب تعليماتي عالي اوقويورت وزيرليگي معيار و استندرد لريگه ماس ايكني دن ايشلنچ بيلديره دي.

بو موسسه لر مسووللري اگر دولت يوزلب طلبه تقديريگه نسبتن بي فرق قالسه و بو موسسه لرني قيته دن تيكشيرمسه طلبه و استادلر اوز مدني اعتراضلريني دوام ايتيريش دن آگاهلنتيرگن.

عيني دمده كابل نينگ شفا خصوصي عالي موسسه سي طب بوليمي طلبه سي محمد خسين عبدالله زاده خصوصي موسسه لر طب تعليماتي احازت نامه لري بيكار قيلينيشي ني سليقه اي بهالب بو موسسه لرني يوزلب طلبه لريني تقديري حاضرچه نامعلوم قالگني دن تنقيد ليدي.

معلوماتلرگه كوره عالي اوقو وزيرليگي اوتكن ييلي خصوصي عالي درگاه لر ايشلريده بير قطار اصلاحات لرني كيرتي. بو اصلاحات گه مطابق آلتي خصوصي موسسه ني طب تعليماتي و باشقه بيرقطار بوليم لر فعاليتي درسليك معيارلرگه مطابق بولمگني سبب توختتيب اجازت نامه لريني بيكار قيلدي.