ملی مصالحه عالی کینګاشی ریسی عبدالله عبدالله بیر یوقاری رتبه لی دولتی هیات باشچیلیگی ده بولیب پاکستان پایتختی اسلام آباد کیتی.

ملی مصالحه عالی کینگاشی بو کون ایرته لب( دوشنبه ۷ میزان) بیر خبرنامه نشر ایتیب، عبدالله جنابلری پاکستان باش وزیری عمران خان رسمی دعوتیگه اساساً بو مملکت گه سفر قیلگن دیب ایتکن. خبرنامه گه کوره عبدالله جنابلری بو سفرده پاکستان حکومتی رهبرلری جمله دن جمهورریس عارف علوی، باش وزیر عمران خان، ولسی جرگه ریسی اسد قیصر، سنا مجلسی ریسی صادق سنجرانی، تشقی ایشلر وزیر و بو مملکت اردو باش قوماندانی بیلن اوچرشیب ملاقات قیلماقچی.

ملی مصالحه عالی کینگاشی معلوماتیگه کوره بو سفرده عبدالله جنابلری نینگ اورین باسر و مصلحتچی لری هم اونی بیلن یولداش دیر.

عبدالله جنابلری اون ییل دن سونگ پاکستان گه سفر قیلگن. اسلام آباد افغانستان لیک هیات دن میزبان لیک قیلش اوچون کاتته تیارگرلیک آلگن. اسلام شهری نینگ بیرقطار عمومی یوللری خصوصا هوا قونالیغی یولیده عبدالله جنابلری عکس لری اورنتیلگن. حالانکه پاکستان خارجی مهمانلری اوچون هیچ قچان بوندای تیارگرلیک آلمسدی.

باشقه تاماندن پاکستان باش وزیری عمران خان هم کیله سی هفته جمهورریس غنی دسمی دعوتیگه اساسا کابل گه سفر قیلماقچی.