افغانستان ملي يرشيش عالي كيگاشي رييسي عبدالله عبدالله، امريكا جمهور رييس ليك سيلاويده، امريكا قوشمه ايالتلري سايلنگن جمهور رييسي جوبايدن غلبه سيني تبريك لشدي.

عبدالله جنابلري بوكون( يكشنبه ١٨ عقرب) تويير صحيفه سيده امريكا جمهور رييس ليك سيلاويده دموكراتلر حزبي نامزادي جوبايدن موفقيتي ني تبريك لشكن. ملي يرشيش عالي كينگاشي رييسي شونينگ ديك امريكا ملت ني بو سيلاو ده قتنشيشي ني امريكا ملت گه تبريك لشكن.

جوبايدن جنابلري امريكانينگ دموكراتلر حزبي تمانيدن بو سيلاوده اشتراك ايتكندي. ترامپ جنابلري هلي گه چه مغلوبيتي ني قبول قيلمگن. بايدن جنابلري، جمهوري خواه حزب نامزادي دونالد ترمپ ني اون ميليون آواز بيلن شكست بيرگن. هلي گه سيلاو نتيجه سيني قبول قيلمگن ترمپ جنابلري بو سيلاوده رقيبي منفعتي گه كينگ قلابكارليك بولگني ني ادعا قيلگن.

امريكا ينگي جمهور رييسي جوبايدن جمهور رييس ليك سيلاويده غلبه قازانگندن سونگ توييتر صحيفه سيده نشر ايتكن بيرينچي نطقي ده او امريكانينگ برچه خلقي ني جمهور رييسي ايكني ني تاكيدلب اوتكن تورت ييل جريانيد امريكا ملتي و دولتي ارا يوزه گه چيققن ايرليق لرني اورتدن كيتقزيش ده سعي قيليش دن وعده بيرگن.