عبدالله: طالبان تامانیدن زۉروانلیک اوج آلگنیگه قره‌مه‌ی، دوحه مذاکره‌لری دوام اېته‌دی
neshananews
26 June 2021ملي یره‌شیش عالي کېنگاشی رئیسی عبدالله عبدالله نینگ ایتیشیچه، طالبلر تامانیدن بوتون مملکت بۉیلب زۉروانلیک اوج آله‌یاتگنیگه قره‌مه‌ی، دوحه‌ده حکومت بیلن بو گروه ارا تۉغریدن-تۉغری تینچلیک مذاکره‌لری دوام اېته‌دب.
جناب عبدالله بوگون (۵-سرطان، شنبه) رویترز خبرآژانسی بیلن صحبت ده اوشبو مسأله‌نی کۉتردی. جناب عبدالله یقینده مملکتده زۉروانلیک درجه‌سی کېسکین کۉتریلگنینی و یقینده طالبان حربي یوتوقلرگه اعتبار قره‌تگنینی قۉشیمچه قیلدی.
ملي یره‌شیش عالي کېنگاشی رئیسی تینچلیک مذاکره‌لر، مملکتده اوروشنی توخته‌تیش نینگ یگانه یولی اېکنلیگینی و بو جریان توخته‌تیلمسلیگینی تأکیدله‌دی.
جناب عبدالله افغانستان حکومتی مملکتده طالبان بیلن اوروشنی توخته‌تیش اوچون سیاسي اېچیم تاپیش مقصدیده جدّي تینچلیک مذاکره‌لرینی باشلشگه تیارلیگینی، اما بو گروه حلی‌گچه تینچلیک مسأله‌لرینی حل قیلمه‌گنلیگینی قۉشیمچه قیلدی.
بو سۉزلر مملکت بۉیلب طالبلر هجوملری خارجي قۉشینلر آلیب چیقیلگنیدن ایکّی آی اۉتمه‌ی اوج آلگن پیتگه تۉغری کېلدی. هجوملردن سۉنگ طالبان ۲۰ ته تومننی اېگه‌للب آلدی. اما اوشبو تومنلر نینگ بیر قِسمی طالبلرگه قرشی عامه‌وي سفربرلیک باشلنیشی بیلن گروه جنگریلری نظارتی آستیدن آزاد قیلیندی.
