عدلیه وزیری: عامهوي اخبارات واسطهلری قیزیل چیزیقلرنی رعایه قیلیشلری کېرک
عدلیه وزیری فضلاحمدد معنوي محلي اخبارت واسطهلردن، نشراتلری جریانیده، مملکت اساسي قانونی و عامهوي اخبارات واسطهلری نینگ قیزیل چیزیقلرینی رعایه قیلیشگه چقیرگن.
جناب معنوي بوگون (سهشنبه ۱۵ سرطان ) کابلده اۉتکزیلگن مطبوعات انجمنیده ” سوز اېرکینلیگی” نقابی آستیده اساسیقانون نینگ قیزیل چیزیقلری بوزیلمسلیگی کېرهکلیگینی ایتدی.
جناب معنوی حربي سِرلرنی حمایه قیلیش، ملي منفعتلرنی حمایه قیلیش و خوفسیزلیک کوچلری قربانلرینی شهید اتش، مملکتده اخبارات تۉغریسیدهگی قانون نینگ تمایللری دېب تعریفلهیدی. عدلیه وزیری عامهوي اخبارات واسطهلری اوشبو تمایللرگه عمل قیلیشی کېرهکلیگینی قۉشیمچه قیلهدی.
سۉنگگی پیتلرده طالبلر تمانیدن زۉرآورلیک اوج آلگنی و گروه نینگ کۉپراق حدودلرنی اېگهللب آلیشگه اورینیشلریگه توختهلیب، جناب معنوي، عامهوي اخبارات واسطهلری خوفسیزلیک کوچلری روحیاتینی ضعیفلشتیرهدیگن سلبي معلوماتلردن وازکیچیشلری کېرهک، دېدی.
سۉنگگی ایکّی آی ایچیده طالبان مملکتده زۉرآورلیکنی کوچهیتیردی. طالبان نینگ آلدینگه سیلجیشی حقیدهگی معلوماتلر نینگ اعلان قیلینیشی اهالی نینگ مملکت کېلهجگی بارهسیدهگی خواطرلرینی کوپیتیردی.