فارياب ولايتي امنيتي مسووللريگه كوره ميمنه شهري اوچنچي پوليس حوزه سي ملازملري بير قيزباله ني ميمنه شهري خواجه پايتخت قشلاقي دن اختطافچي لر نزيدن قوتقرديلر. مسووللرني ايتيشيچه بو قيزباله ايككي كون آلدين خواجه سبزپوش تومني كوسه قلعه قشلاقي دن بير كيسكه شخص تمانيدن اوغيرلنگندي.

فارياب پوليسي سوزچيسي محمدكريم يورش نشانه خبر آژانسي بيلن صحبت ده ديدي پوليس اوتكن كوني (دوشنبه ١٠ سنبله) بو قيزباله ني خواجه پايتخت قشلاقي نينگ بير اويي دن تاپيب آلگن. يورش جنابلري، بو قيزني اوغيرلشكن شخص محل دن قاچيب كيتكن اما بو واقعه عيبلوي بيلن ايككي كيشي توتقين ده آلينگن ديب ايتي. فارياب پوليسي سوزچيسي بو قيزباله عايله سيگه تاپشيريلگني دن خبربيريب اما حاضرگه قدر بو آدم اوغيرلش سببي نامعلوم دير ديب تاكيدلشدي.

جاري ييل ايلك كونلريده فارياب پوليسي ميمنه شهري بير دوكانداريني اختطافچي لر نزديدن قوتقريب و اوني عيبلوي بيلن بيرشخص هم حبس ده آلينگندي.