فاریابده عیاللر اوچون اېتکچیلیک، مذاکرهلر و واسطهچیلیک تخنیکسی بۉییچه سمینار
فاریاب محلي رسميلر نینگ تأکیدلشیچه، ولایتده بیرینچی مرته عیاللر اوچون اېتکچیلیک، مذاکرهلر و واسطهچیلیک تخنیکسی بۉییچه سمینار باشلنگن. سمینار فاریاب ولایتی مرکزی میمنهدهگی “عیاللر نینگ سیاسي اشتراکی اتفاق” دفتری تمانیدن یولگه قویلگن.
بوگون ( چهارشنبه ۹ سرطان) فاریاب ولایت حاکمی نینگ اجتماعي مسألهلر بۉییچه اۉرینباسری نجیبه قرېشی، نشانه خبرآژانسی بیلن صحبت، ۲ کون دوامایتهیاتکان بو سیمینارده ۳۰ عیال قتنهشگن دیدی. قرېشی خانم نینگ سۉزلریگه کۉره، بوسیمینارده اشتراک ایتکن عیاللر، اېتکچیلیک، مذاکره اۉتکزیش و واسطهچیلیک قابلیبلرینی اۉرگنگن.
فاریاب ولایتحاکمی اجتماعي ایشلر اۉرینباسری نینگ قۉشیمچه قیلیشیچه، سیمینار دوامیده تورلی مسألهلر، جملهدن، یخشی باشقروودهگی عیاللر نینگ اۉرنی و جنسیتی تېنگسیزلیگگه قرشی کورهش مسألهلری هم محاکمه قیلینگن. قرېشی خانمگه کۉره، اوشبو ایکّی کونلیک سمینارده عیاللر و قیزلر سۉنگگی ییگیرمه ییل ایچیده اېریشیلگن یوتوقلرنی قندهی سهقلش کېرهکلیدی یول یوروقلرینی هم اورگنیبآلگن.
فاریابدهگی بیر قطار عیاللر اوچون اېتکچیلیک، مذاکرهلر و واسطهچیلیک قابلیبلری بۉییچه سمینار، ناتینچلیکلر کولمی ولایت مرکزی میمنه شهری دروازهسیگهچه اېتیب بارگن حالده اۉتکزیلدی. میمنه شهریدهگی بیر قطار عیاللر بیرینچی مرته قندهی اېتکچیلیک قیلیشنی ومذاکره قاعدهلریربیلن تانیشکن. عیاللر نینگ سیاسي اشتراکی اتفاق ادارهسی بیر قطار ولایتلرده تعلیم، عیاللر نینگ صلاحیتینی آشیریش و تینچلیک ساحهسیده فعالیت یوریتهدی.